कोरोना संक्रमणबाट कांग्रेस नेतृ मोहम्मदी सिद्धिकीको निधन – Naya Bikalpa
November 7, 2026, Saturday      Epaper

कोरोना संक्रमणबाट कांग्रेस नेतृ मोहम्मदी सिद्धिकीको निधन

नयाँ विकल्प ,

काठमाडाैं- तत्कालीन संविधान सभा सदस्य मोहम्मदी सिद्धिकीको निधन भएको छ।

कोरोना भाइरस संक्रमणपछि उपचाररत ६२ वर्षीया उनको शनिबार नेपालगञ्जस्थित भेरी अस्पतालमा निधन भएको हो।

उनलाई करिब दुई साता अस्पतालमा राखेर उपचार गरिएको थियो। कोरोना देखिएपछि गत चैत २८ मा उनलाई अस्पताल भर्ना गरिएको थियो। अस्पतालका डाक्टर पारस पाण्डेले श्वासप्रश्वाससमेत समस्याको समस्या रहेकी सिद्धिकीको निधन भएको बताए।

सिद्धिकी पहिलो संविधान सभामा नेपाली कांग्रेसबाट समानुपातिकतर्फ सभासद भएकी थिइन्। उनले लामो समय मुस्लिम महिलाको अधिकारका लागि संघर्ष गरिन्। उनी २०३६ सालदेखि नेपालको प्रजातान्त्रिक आन्दोलनमा सक्रिय थिइन्।


उनको अन्त्येष्टी गरिसकिएको छ। शनिबार भेरी अस्पतालमा कोरोना संक्रमणले सिद्धिकीसहित ७ जनाको मृत्यु भएको छ।
सिद्धिकीको निधनमा नेपाली कांग्रेसका सभापति शेरबहादुर देउवाले दु:ख व्यक्त गरेका छन्।

‘कांग्रेसकी नेतृ, महिला अधिकारकर्मी र संविधान सभा सदस्य मोहम्मदी सिद्दिकी बहिनीको निधनको खबरले निकै दुखी भएको छु,’ देउवाले भनेका छन्, ‘उहाँको निधनले कांग्रेसले एउटा असल महिला नेतृ गुमाएको छ।’

सम्बन्धित समाचार

डा. गोविन्द केसी र सरकारबीच ६ बुँदे सहमति, तोडियो अनशन
डा. गोविन्द केसी र सरकारबीच ६ बुँदे सहमति, तोडियो अनशन
  • २०७८ बैशाख १२, १०: ४५

काठमाडौं : सरकार र अनशनरत डा. गोविन्द केसीबीच ६ बुँदे सहमति भएको छ । सहमतिसँगै शनिबार राति डा. केसीले आफ्नो...

प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
  • २०७८ बैशाख १२, १०: ४५

काठमाडौं : नेपाल पत्रकार महासंघले प्रेस तथा अभिव्यक्ति स्वतन्त्रताको संरक्षण र आफ्ना माग पूरा गराउन छठ पर्वपछि चरणबद्ध आन्दोलन गर्ने...

कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
  • २०७८ बैशाख १२, १०: ४५

काठमाडौं : नेपाली कांग्रेसले भोटेकोशी–त्रिशूली बाढीपहिरोबाट प्रभावित रसुवा, धादिङ र नुवाकोटका नागरिकको पुनर्स्थापना तथा पुनर्निर्माणका लागि अभियान सञ्चालन गर्ने भएको...