लुम्बिनी प्रदेशमा सत्तापक्षको प्रस्तुति अलोकतान्त्रिक, असंवैधानिक र निन्दनीय- देउवा – Naya Bikalpa
November 21, 2026, Saturday      Epaper

लुम्बिनी प्रदेशमा सत्तापक्षको प्रस्तुति अलोकतान्त्रिक, असंवैधानिक र निन्दनीय- देउवा

नयाँ बिकल्प,
काठमाडौं । लुम्बिनी प्रदेशमा आइतबार भएको राजनीतिक घटनाक्रमलाई नेपाली कांग्रेसले संविधानको ठाडो उल्लंघन, बलमिच्याईं र घोर अलोकतान्त्रिक प्रवृत्ति भन्दै कडा निन्दा र भत्सर्ना गरेको छ ।

नेकपा एमालेले प्रदेश सभामा प्रष्ट बहुमत गुमाएको तथ्य बुझेर नै पहिले अविश्वास प्रस्ताव छलेका मुख्यमन्त्रीसंग बहुमत छ भनेर मान्नु र पुनः मुख्य मन्त्री नियुक्ति गरिनु राजनैतिक, नैतिक र संवैधानिक दृष्टिकोणले आपत्तिजनक र लज्जास्पद भएको कांग्रेस सभापति देउवाले जनाएका छन् ।

सभापति देउवाले आइत विज्ञप्ति जारी गर्दै नेकपाबाट निर्वाचित एक सांसदले माओवादी संलग्नता प्रष्ट गरेको, एमालेबाट निर्वाचित एक सांसदले सांसद पदबाट नै राजीनामा गरेको र कांग्रेस, माओवादी, जसपा र राजमो दलले वैकल्पिक मुख्यमन्त्री प्रस्तावित गरिसकेको स्थितिमा संसदीय मुल्य मान्यता विपरीत मुख्य मन्त्री नियत्ति आपत्तिजनक भनेका छन् ।

संविधान बमोजिम संसदमा अविश्वास प्रस्तावको प्रक्रिया अघि बढेको अवस्थामा त्यसलाई निष्कर्षमा नपु¥याई राजीनामाको नाटक गर्नु र प्रदेश अधिवेशन अन्त्य गर्नु नेपालको संविधान एवम संसदीय मुल्य–मान्यता, विधि र पद्धतिको ठाडो उल्लंघन भएको कांग्रेसले ठहर गरेको छ ।

केन्द्रमा प्रस्तुत हुंदै आएको अधिनायकवादी चरित्रको अर्को संस्करण लुम्बिनी प्रदेशमा प्रस्तुत हुनु अत्यन्तै गम्भीर भएको भन्दै सभापति देउवाले बलमिच्याईंले मिचिएको विधि र प्रक्रियालाई अविलम्ब सुचारू गरेर संसदको बहुमत अनुरुप नयाँ सरकारका लागि मार्गप्रशस्त गर्न चेतावनी दिएका छन् ।

प्रदेश संसदको प्रक्रियालाई छल्दै राजिनामा दिएका लुम्विनी प्रदेशका मुख्यमन्त्री शंकर पोखरेललाई प्रदेश सभामा आफ्नो बहुमत रहेको झुटो विवरण र दाबीको आधारमा प्रदेश प्रमुखले पुनः मुख्यमन्त्रीमा नियुक्त गरेका थिए ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख १९, २०: ०९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख १९, २०: ०९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख १९, २०: ०९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...