प्रधानमन्त्री ओलीले बोलाए मन्त्रिपरिषद् बैठक, दल विभाजन सम्बन्धी अध्यादेश पुनः जारी हुनसक्ने ! – Naya Bikalpa
November 21, 2026, Saturday      Epaper
जनता समाजवादी पार्टी फुटाउने ओलीकाे दाेस्राे प्रयास !

प्रधानमन्त्री ओलीले बोलाए मन्त्रिपरिषद् बैठक, दल विभाजन सम्बन्धी अध्यादेश पुनः जारी हुनसक्ने !

नयाँ विकल्प,


काठमाडाैं- प्रधानमन्त्री केपी शर्मा ओलीले आज साँझ मन्त्रिपरिषद् बैठक बोलाएका छन् ।

साँझ पाँच बजे प्रधानमन्त्री निवास बालुवाटारमा मन्त्रिपरिषद् बैठक बस्दैछ । नेकपा एमालेको स्थायी कमिटी बैठक सकिएपछि प्रधानमन्त्री ओलीले मन्त्रिपरिषद् बैठक बोलाएका हुन् ।

स्थायी कमिटी बैठक लगत्तै प्रधानमन्त्री ओली राष्ट्रपति निवास शितलनिवास पुगेका थिए । मन्त्रीपरिषद् बैठकबाट दल विभाजन सम्बन्धी अध्यादेश जारी गर्ने र आजै राष्ट्रपतिबाट अनुमाेदन समेत हुनसक्ने संभावना रहेकाे छ ।

सरकारले राजनीतिक दलसम्बन्धी विद्यमान कानुनमा संशोधन गर्न अध्यादेश ल्याए आन्तरिक विवादमा फसेका सत्तारूढ नेकपा एमाले र जनाता समावादी दल तत्कालै फुटनसक्ने संभावना छ ।

मन्त्रिपरिषदको बैठकले संसदीय दल वा केन्द्रीय समिति (महाधिवेशनबाट निर्वाचित वा दल गठन गर्दा) को ४० प्रतिशत सदस्य भए दल विभाजन गर्नसक्ने गरी अध्यादेश ल्याउने सक्ने संभावना रहेकाे स्राेतकाे दावी छ ।

विद्यमान राजनीतिक दलसम्बन्धी कानुनअनुसार राजनीतिक दल विभाजन हुनलाई संसदीय दल र केन्द्रीय कमिटी दुवैमा ४० प्रतिशत संख्या पुर्याउनुपर्ने प्रावधान छ ।

तर यसलाई संशोधन गर्ने गरी अध्यादेश आउन सक्ने बताइएकाे छ । साे अध्यादेश आएमा सत्तारूढ नेकपा एमाले र जनता समाजवादी पार्टी फुटनसक्ने संभावना प्रवल छ ।

गत बर्ष बैशाख ८ गते बसेकाे मन्त्रिपरिषद् बैठकबाट ओलीले दल विभाजन सम्बन्धी अध्यादेश जारी गरेका थिए । राष्ट्रपतिबाट अनुमाेदन समेत भएकाे उक्त अध्यादेश जारी गरेपनि चाैतर्फी विवाद भएपछि पुनः फिर्ता लिन बाध्य भएका थिए

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख २३, १५: ०१

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख २३, १५: ०१

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख २३, १५: ०१

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...