चीन सरकारले उपलब्ध गराउने अक्सिजन सिलिण्डर लिन नेपाल एयरलाइन्सकाे विमान जाँदै – Naya Bikalpa
November 21, 2026, Saturday      Epaper

चीन सरकारले उपलब्ध गराउने अक्सिजन सिलिण्डर लिन नेपाल एयरलाइन्सकाे विमान जाँदै


नयाँ विकल्प,


काठमाडाैं- चीन सरकारले नेपाल सरकारलाई दिने २० हजार थान अक्सिजन सिलिण्डर लिन नेपाल वायुसेवा निगमकाे जहाज जाने भएकाे छ ।

नेपाल सरकारले तुरुन्तै चीनबाट अक्सिजन सिलिण्डर ल्याउन वाइडबडी जहाज चार्टर गर्ने भएको हाे । पहिलाे चरणकाे चार्टर उडान मार्फत दुइहजार थान अक्सिजन सिलिण्डर ल्याउन लागिएकाे छ ।

बाँकी १८ हजार थान स्थलमार्गबाट ल्याउने तयारी भैरहेकाे छ । बैशाख ३१ गते वाइडबडीले सात सय थान सिलिण्डर ल्याउने छ।

त्यससँगै चिन सरकारले अनुदानमा दिएकाे १० थान भेन्टिलेटर साेही चार्टर्ड विमानबाट नेपाल आउने छ । तीन साताभित्रै दुई हजार सिलिण्डर ल्याउने स्वास्थ्य मन्त्रालयकाे योजना छ। चीनबाट धेरै देशले सिलिण्डर लैजाने हुँदा त्यहाँको सप्लायर्सले समय मागेको बताइएकाे छ ।

स्वास्थ्य मन्त्रालयले २० हजार सिलिण्डर विश्व बैंक र २० हजार युनिसेफसँग मागेको छ। अहिले मेडिकल क्षेत्रबाहेक उद्योगमा आठ हजार सिलिण्डर स्टक रहेको बुझिन आएको छ।

हाइड्रो पावर, चिनी, चुरा, रोलिङ उद्योगलगायतमा सिलिण्डर प्रयोग हुने गरेका छन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख २५, १६: १२

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख २५, १६: १२

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख २५, १६: १२

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...