- अनामनगर काठमाडौँ
- infobikalpa21@gmail.com
नयाँ बिकल्प,
काठमाडौंः प्रधानमन्त्री केपी शर्मा ओलीले गत साता लिएको पद तथा गोपनीयताको शपथ बदरको माग गर्दै सोमबार परेका रिटमा आज मंगलबार सर्वोच्च अदालतमा सुनुवाइ हुने भएको छ ।
प्रधानमन्त्री ओलीले लिएको शपथमा केही शब्दहरु उच्चारण नगरेको र फरक शब्द उच्चारण गरेकोले सो कार्य गैर–संवैधानिक भएको र आफूअनुकुल शब्द प्रयोग गरी शपथ ग्रहण गरेको रिट निबेदनमा उल्लेख गरिएको छ ।
राष्ट्रपति विद्यादेवी भण्डारीले शपथ ग्रहण गराउँदा प्रधानमन्त्री ओलीले ‘प्रतिज्ञा गर्छु’ भन्ने शब्दावलीलाई ‘त्यो पर्दैन’ भनेर वाचन गर्दा राष्ट्रपति भण्डारीले हिँ ..हिँ… मात्र गरेकी थिइन् । यस्तो कार्यले राष्ट्रपति जस्तो सर्वोच्च संस्थाको मानमर्दन भएको दाबी रिटमा गरिएको छ ।
संविधानको धारा ८० मा संघीय कानुनबमोजिम सपथ ग्रहण गर्ने भनिए पनि अहिलेसम्म कानुन बनेको छैन । निवेदनमा संघीय संसद्का सदस्य नै नभएका तर प्रतिनिधिसभाको एउटै कार्यकालमा दोहो¥याएर मन्त्री नियुक्त भइ शपथ ग्रहण गरेका सात जनाको नियुक्ति अन्तरिम आदेशद्वारा बदर गर्न समेत माग गरिएको छ ।
वरिष्ठ अधिवक्ता डा चन्द्रकान्त ज्ञवाली, अधिवक्ताहरु लोकेन्द्र ओली, नवराज अधिकारी, सन्तोष भण्डारी, राजकुमार सुवालले सर्वोच्च अदालतमा चार वटा रिट निवेदन दर्ता गराएका थिए ।
संघीय कानुन बनाएर शपथको व्यहोरा तोक्न तथा त्यतिन्जेल प्रधानमन्त्रीका रूपमा ओलीलाई कामकारबाही गर्नबाट रोक्न पनि रिट निवेदकहरुले माग गरेका छन् ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
