गृहमन्त्रीलाई हराउँदै डा. देबकोटा राष्ट्रियसभा सदस्यमा निर्वाचित – Naya Bikalpa
November 21, 2026, Saturday      Epaper

गृहमन्त्रीलाई हराउँदै डा. देबकोटा राष्ट्रियसभा सदस्यमा निर्वाचित


नयाँ बिकल्प,
काठमाडौ । बहालवाल गृहमन्त्री तथा सत्तारुढ नेकपा एमालेको तर्फबाट उम्मेदवार बनेका रामबहादुर थापा बादललाई पराजित गर्दै कलम चुनाव चिन्ह लिएर स्वतन्त्र उम्मेदवार बनेका संघीयताबिद् डा. खिमलाल देबकोटा निर्वाचित भएका छन् ।

नेपाली कांग्रेस, नेकपा एमाओबादी, जनता समाजबादी पार्टी र एमालेको माधव नेपाल पक्षको समर्थनमा देबकोटा निर्वाचित भएका हुन् । उनले ५०८८ मतभार प्राप्त गरेका थिए ।

एमालेबाट उम्मेदवार बनेका गृहमन्त्री बादलले भने ४०१४ मतभार पाएका थिए । नेपाल मजदुर किसान पार्टीका कृष्णबहादुर तामांगले १३२ मतभार पाएका थिए ।

बागमति प्रदेश सभाका १०९ सांसदमध्ये ५८ जना र स्थानीय तहका २३८ प्रमुख, उपप्रमुख तथा अध्यक्ष, उपाध्यक्षमध्ये १२८ जनाले स्वतन्त्र उम्मेदवार डा. देवकोटाको पक्षमा मतदान गरेका थिए ।

४५ जना प्रदेश सभा सांसद र १०३ प्रमुख तथा उपप्रमुख र अध्यक्ष तथा उपाध्यक्षले बादलको पक्षमा मत दिएका थिए । नेमकिपाका कृष्णबहादुरलाई २ प्रदेश सभा सदस्य र २ स्थानीय तहका प्रतिनिधिले मत दिएका थिए । मतदानमा ४ प्रदेश सांसद र ५ स्थानीय तहका प्रातिनिधि उपस्थित भएनन् ।

स्रोतका अनुसार नुवाकोटको स्थानीय ,तहका प्रमुख र उपप्रमुख तथा अध्यक्ष र उपाध्यक्षमध्ये देवकोटाले २५ र बादलले ५, ललितपुरमा देवकोटाले १७ र बादलले ७, धादिगमा देबकोटाले १९ र बादलले ११ र सिन्धुपाल्चोकमा देवकोटाले २६ र बादलले ३ मत पाएका थिए ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ जेष्ठ ६, १७: ३५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ जेष्ठ ६, १७: ३५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ जेष्ठ ६, १७: ३५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...