- अनामनगर काठमाडौँ
- infobikalpa21@gmail.com
नयाँ बिकल्प,
काठमाडौ । राष्ट्रपति विद्यादेवी भण्डारी समक्ष संविधानको धारा ७६ को उपधारा ५ बमोजिम विश्वासको मत प्राप्त गर्न सक्ने बलियो आधारको रुपमा एक सय ५४९ सांसदको हस्ताक्षर बोकेर गएका विपक्षी दलका सांसदलाई नभेटी राष्ट्रपति विद्यादेवी भण्डारीले प्रधानमन्त्री केपी शर्मा ओलीसँग भेट गरेकी छन् ।
प्रमुख प्रतिपक्षी दल नेपाली कांग्रेस संसदीय दलको बैठकममा भएको छलफलपछि कांग्रेस र माओबादीका नेताले १४९ जना सांसदको हस्ताक्षरसहित शेरबहादुर देउवालाई प्रधानमन्त्रीमा प्रस्ताव गरेर राष्ट्रपति समक्ष दाबी पेश गर्ने समय दिउँसो सवा तीन बजे लिएका थिए ।
पौने ४ बजे राष्ट्रपति कार्यालय आइपुग्ने सूचना राष्ट्रपति विद्यादेवी भण्डारीले पाउना साथ बालुवाटार प्रधानमन्त्रीको सरकारी निवासमा रहेका प्रधानमन्त्री तथा नेकपा एमाले संसदीय दलका नेता केपी शर्मा ओली हतारमा राष्ट्रपति कार्यालय पुगेका थिए ।
कांग्रेस र माओबादीका नेता आफूलाई भेट्न बहुमत सांसदको हस्ताक्षर लिएर आउँदैछन भन्ने थाहा पाएपछि राष्ट्रपति कार्यालयले नै त्यो भन्दा पहिले राष्ट्रपति समक्ष भेटेर बहुमत प्राप्त सांसदको हस्ताक्षर बुझाउने अवसर दिइएको थियो ।
विपक्षी कांग्रेस र माओबादीसहितका नेतालाई समय दिएर राष्ट्रपति भण्डारीसँग प्रधानमन्त्री ओलीले झण्डै आधा घण्टा समय भेटेका थिए । स्रोतका अनुसार ओलीले नेकपा एमालेका १२१ र जनता समाजबादी पार्टीका ३२ गरी एक सय ५३ सांसदको हस्ताक्षर बुझाएका थिए ।
ओलीले जसपा संसदीय दलका नेता राजेन्द्र महतो र जसपा अध्यक्ष महन्थ ठाकुरसँग यसअघि बालुवाटारमा बसेर आफ्नो नेतृत्वमा बन्ने सरकारलाई समर्थन गरे ८ वटा महत्वपूर्ण मन्त्रालय दिने प्रतिज्ञा गरेका थिए ।
राष्ट्रपति भण्डारी प्रधानमन्त्री ओलीसँग झण्डै आधा घण्टा गफिँदा बाहिर प्रमुख प्रतिपक्षी दल कांग्रेसका सभापति शेरबहादुर देउवा, विपक्षी माओबादीका अध्यक्ष पुष्पकमल दाहाल, सत्तारुढ एमालेकै बरिष्ठ नेता माधवकुमार नेपाल, जनता समाजबादी पार्टीका अध्यक्ष उपेन्द्र यादव, कांग्रेस बरिष्ठ नेता रामचन्द्र पौडेल, पूर्वमहामन्त्रीहरु प्रकाशमान सिंह र कृष्णप्रसाद सिटौला तथा जसपा नेता महेन्द्र यादवको उपस्थिति थियो ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
