राष्ट्रपति र प्रधानमन्त्रीको संसद विघटन प्रतिगामी भएकाले राजनीतिक र कानूनी प्रतिबाद गरिने – Naya Bikalpa
November 7, 2026, Saturday      Epaper
संसद विघटनबिरुद्ध पाँच दलका नेताको संयुक्त हस्ताक्षर

राष्ट्रपति र प्रधानमन्त्रीको संसद विघटन प्रतिगामी भएकाले राजनीतिक र कानूनी प्रतिबाद गरिने


नयाँ बिकल्प,
काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओलीबाट प्रतिनिधिसभा विघटन गर्ने कार्यलाई प्रतिगामी कदमको संज्ञा दिँदै प्रमुख विपक्षी नेपाली कांग्रेससहित ५ राजनीतिक दलका नेताहरुले त्यसबिरुद्ध राजनीतिक र कानुनी रुपमा सशक्त प्रतिवाद गर्ने घोषणा गरेका छन् ।

संघीय संसद भवन नयाँ बानेश्वरमा शनिबार दिउँसो बसेको बसेको बैठकले राष्ट्रपति भण्डारीले प्रधानमन्त्री केपी शर्मा ओलीसँगको मिलेमतोमा बदनियतपूर्ण तरिकाले प्रतिनिधिसभाको विघटन गरेर नेपालको संविधान र लोकतन्त्रमाथि नै प्रहार गरिएको निष्कर्ष निकालेको छ ।

बैठकले प्रतिनिधिसभाको निर्वाचन नगराएर आफ्नो निरंकुश सत्ता लम्ब्याउने दूराशयबाट घोषित आमनिर्वाचनले कोरोना संक्रमणको महामारीमा भयावह अवस्थाको सामना गरिरहेका जनताको जीवनलाई झन गम्भीर संकटमा धकेलिदिएको ति दलका नेताको ठहर छ ।

बैठकपछि जारी विज्ञप्तिमा कोरोनाको महामारीमा सिंगो राष्ट्रलाई एकताबद्ध रुपमा अगाडि बढाउनु पर्नेमा संसद विघटन गरेर प्रधानमन्त्रीले अत्यन्तै गैरजिम्मेवार काम गरेको आरोप लगाइएको छ ।

राष्ट्रपति भण्डारी र प्रधानमन्त्री ओलीको असंवैधानिक कदमबिरुद्ध शसक्त ढंगले प्रतिबाद गर्ने निष्कर्ष निकालेको सो बैठकपछि जरी संयुक्त प्रतिवद्धता पत्रमा कांग्रेस सभापति शेरवहादुर देउवा, नेकपा माओबादी केन्द्रका अध्यक्ष पुष्पकमल दाहाल प्रचण्ड, जनता समाजबादी पार्टीका अध्यक्ष उपेन्द्र यादव, एमालेका बरिष्ठ नेता माधव नेपाल र राजमो उपाध्यक्ष दुर्गा पौडेलले हस्ताक्षर गरेका छन् ।

सम्बन्धित समाचार

डा. गोविन्द केसी र सरकारबीच ६ बुँदे सहमति, तोडियो अनशन
डा. गोविन्द केसी र सरकारबीच ६ बुँदे सहमति, तोडियो अनशन
  • २०७८ जेष्ठ ८, १५: ४०

काठमाडौं : सरकार र अनशनरत डा. गोविन्द केसीबीच ६ बुँदे सहमति भएको छ । सहमतिसँगै शनिबार राति डा. केसीले आफ्नो...

प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
  • २०७८ जेष्ठ ८, १५: ४०

काठमाडौं : नेपाल पत्रकार महासंघले प्रेस तथा अभिव्यक्ति स्वतन्त्रताको संरक्षण र आफ्ना माग पूरा गराउन छठ पर्वपछि चरणबद्ध आन्दोलन गर्ने...

कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
  • २०७८ जेष्ठ ८, १५: ४०

काठमाडौं : नेपाली कांग्रेसले भोटेकोशी–त्रिशूली बाढीपहिरोबाट प्रभावित रसुवा, धादिङ र नुवाकोटका नागरिकको पुनर्स्थापना तथा पुनर्निर्माणका लागि अभियान सञ्चालन गर्ने भएको...