संसद विघटनको घटनाप्रति प्रेस युनियनको आपत्तिः जेठ १३ र १४ मा गर्ने महाधिवेशन स्थगित – Naya Bikalpa
November 10, 2026, Tuesday      Epaper

संसद विघटनको घटनाप्रति प्रेस युनियनको आपत्तिः जेठ १३ र १४ मा गर्ने महाधिवेशन स्थगित


नयाँ बिकल्प,
काठमाडौं । नेपाल प्रेस युनियनले प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले जेठ छ गते गरेको प्रतिनिधिसभा विघटनको घटनाप्रति घोर आपत्ति जनाएको छ ।

प्रतिनिधिसभाका बहुमत सदस्यको हस्ताक्षर सहित संविधान बमोजिम सरकारको दाबी गरे पनि त्यसलाई स्वीकार नगर्ने र प्रधानमन्त्रीको सिफारिसमा प्रतिनिधिसभा भंग गर्ने राष्ट्रपतिको कदमलाई पदिय गरिमा विपरित भनी टिप्पणी गरेको छ ।

प्रधानमन्त्री र राष्ट्रपतिको मिलेमतोमा संसद विघटन गर्ने कार्यले जनप्रतिनिधिमुलक संस्था संसदको अस्तित्वलाई अश्वीकार गर्ने कार्य संघीय लोकतान्त्रिक गणतन्त्र बिरुद्ध रहेको भन्दै युनियनले संविधानले प्रत्याभूत गरेको नेपालीको अभिव्यक्ति स्वतन्त्रता र प्रेस स्वतन्त्रता धरापमा परेकोले त्यसका बिरुद्ध जस्तोसुकै आन्दोलन गर्न तयार रहेको जनाएको छ ।

युनियनका अध्यक्ष बद्री सिग्देलद्धारा जारी विज्ञप्तिमा कोरानो संक्रमणका कारण जनता असुरक्षीत भएको भन्दै त्यसका लागि सरकारलाई दबाब दिन नागरिक समाजलाई समेत युनियनले आव्हान गरेको छ ।

कोभिडका कारण दर्जनौ पत्रकारको निधन भएको, सयौं संक्रमित भएको भन्दै संक्रमित पत्रकारहरुलाई सहयोग पुर्याउने उदेश्यले प्रेस युनियनले एउटा कोष स्थापना गर्ने निर्णय गरेको विज्ञप्तिमा जनाइएको छ ।

बैठकले आगामी १३ र १४ गते हुने भनिएको युनियनको महाधिवेशन कोभिड १९ को संक्रमणका कारण स्थगित गर्ने निर्णय गरेको छ ।

सम्बन्धित समाचार

१०औं राष्ट्रिय खेलकुदका २३ खेल सुर्खेतमा खेलाइने
१०औं राष्ट्रिय खेलकुदका २३ खेल सुर्खेतमा खेलाइने
  • २०७८ जेष्ठ ९, १९: २६

सुर्खेत : कर्णाली प्रदेशमा आयोजना हुन लागेको १०औं राष्ट्रिय खेलकुदका कुल ३२ मध्ये २३ खेल सुर्खेतमा हुने निश्चित भएको छ...

नेपाल संवत् र म्हः पूजाको अवसरमा कांग्रेस सभापति थापाद्वारा शुभकामना
नेपाल संवत् र म्हः पूजाको अवसरमा कांग्रेस सभापति थापाद्वारा शुभकामना
  • २०७८ जेष्ठ ९, १९: २६

काठमाडौं : नेपाली कांग्रेसका सभापति गगनकुमार थापाले नेपाल संवत् ११४७ तथा म्हः पूजाको अवसरमा सम्पूर्ण नेपालीमा सुख, शान्ति र समृद्धिको...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०७८ जेष्ठ ९, १९: २६

काठमाडौं : नेपाल राष्ट्र बैंकले आज (मंगलबार) का लागि विदेशी मुद्राको विनिमयदर निर्धारण गरेको छ । राष्ट्र बैंकले सार्वजनिक गरेको...