
नयाँ बिकल्प,
काठमाडौं । नेपाली कांग्रेसका प्रवक्ता तथा प्रचार विभाग प्रमुख विश्वप्रकाश शर्माले प्रधानमन्त्री केपी शर्मा ओली नेतृत्वको सरकारको ध्याना सत्ता जोगाउनमा केन्द्रीत रहेको आरोप लगाएका छन् ।
नेपाल प्रेस युनियनको ३१ औं वार्षिकोत्वको अवसरमा बिहीकार युनियनले आयोजना गरेको भर्चुअल कार्यक्रममा बोल्दै प्रवक्ता शर्माले नेपाली जनता कोरोना महामारीको संकटमा ज्यान गुमाइरहेको बेला जनताको ज्यान जोगाउनभन्दा गीत लेख्न र सत्ता जोगाउनमा केन्द्रीत भएको बताएका हुन् ।
‘गत वर्ष कोरोना महामारी चलिरहेको बेला प्रधानमन्त्री ओलीले गीत लेखेर कसैले आँचु चुहाउनु पर्दैन भन्नु भयो तर यही बेला कीर्तिपुरमा सूर्यबहादुर तामाङले खान नपाएर हातमा नाम्लोसहित सडकमा मृत भेटिनुु पर्यो । अहिलेको महामारीमा बागलुङकी धनमाया तामाङले कोरोनाको उपचारको लागि ७ वटा अस्पताल धाएर अन्तिमम पोखराको एक अस्पतालमा मृत्गु बरण गर्नु पर्यो,’ शर्माले भने ।
जनताले नेपाली कांग्रेसलाई प्रतिपक्षमा बस्न आदेश दिए बमोजिम केपी शर्मा ओली नेतृत्वको सरकारलाइ ५ वर्षसम्म सत्ता चलाउनको लागि सहयोग गरेको तर आफैले सरकार चलाउन सकिन भनेर बहुमतको सरकार निर्माणको लागि राष्ट्रपति समक्ष सिफारिस गरेपछि कांग्रेसले सत्ताको नेतृत्वको लागि पहल गरेको शर्माले दाबी गरे ।
उनले संविधानको धारा ७६ को उपधारा ५ बमोजिम सरकार निर्माणको लागि राष्ट्रपतिले प्रतिनिधिसभाका सदस्यहरुलाई दाबी पेश गर्न आव्हान गरे पछि बहुमत सदस्यसहित दाबी पेश गरिनुलाई निर्ददलियताको अभ्यास नभएर संवैधानिक बाध्यता भएको स्पष्ट पारे ।
उनले राष्ट्रपति विद्यादेवी भण्डारीले बहुमत एक सय ४९ जना प्रतिनिधिसभाका सदस्यले हस्ताक्षर सहित सरकार निर्माणको लागि पेश गरेको दाबीलाई कुनै परिक्षण नगरी दाबी पुगेन भनेर दिएको निष्कर्ष असंवैधानिक र अलोकतान्त्रिक भएको दाबी गरे।
राष्ट्रपति विद्यादेवी भण्डारीको चरित्र र व्यवहारले आज गणतन्त्र र राष्ट्रपति जस्तो गरिमामय संस्थाको आष्था घटाउने काम भएको भन्दै सरकारको लाचार छायाँ राष्ट्रपति विद्यादेवी भण्डारी बनेको आरोप लगाए ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...