कार्यकर्ता पोष्न फाउण्डेशनलाई ५० लाख दिने निर्णयबाट पछि हट्यो प्रदेश सरकार – Naya Bikalpa
November 17, 2026, Tuesday      Epaper

कार्यकर्ता पोष्न फाउण्डेशनलाई ५० लाख दिने निर्णयबाट पछि हट्यो प्रदेश सरकार


नयाँ बिकल्प,
हेटौंडा – कोरोना संक्रमण महामारी फैलदै गर्दा नागरिकको ज्यान जोगाउन भूमिका खेल्नु पर्नेमा मदन भण्डारी फाउन्डेसनलाई ५० लाख रुपैया बिनियोजन गर्ने बागमति प्रदेश सरकार सर्बत्र बिरोधपछि निर्णयबाट फिर्ता भएको छ।

सत्तारुढ नेकपा एमालेका कार्यकर्ताहरुको बाहुल्य रहेको मदन भण्डारी फाउण्डेसनलाई बागमती प्रदेश सरकारले कार्यविधि नै नबनाई ५० लाख रुपैयाँ बजेट बिनियोजन गरेपछि प्रदेशमा प्रतिनिधित्व एमालेबाहेक सबै राजनीतिक दलले बिरोध गरेका थिए।

कोभिडको महामारीमा जनताको स्वास्थ्य उपचार र महामारीबाट जोगाउन रकम खर्च गर्न छाडेर कार्यकर्ता पोष्ने उदेश्यले प्रदेश सरकारले फाउण्डेसनलाई रकम उपलब्ध गराएको बिरोधमा बिपक्षी राजनीतिक दलले सो निर्णय फिर्ता नभएको भन्दै प्रदेशसभा बैठक अबरोध गर्दै आएका थिए।

बागमती प्रदेशको सोमबारबाट शुरु भएको बजेट अधिबेशनको दोश्रो दिन बागमपति प्रदेश सभालाई संवोधन गर्दै प्रदेशका मुख्यमन्त्री डोरमणि पौडेलले फाउन्डेशनलाई दिइएको रकम फिर्ता लिने निर्णय भएको जानकारी दिएका थिए।

कोरोना महामारीको समयमा स्वास्थ्य सामग्री, औषधी र उपचारको लागि ऋण माग्नुपर्ने स्थितिमा कार्यकर्ता पोस्न फाउन्डेसनमा ५० लाख दिएको भन्दै अघिल्ला बैठकमा आलोचना भएपछि सत्तापक्ष र प्रतिपक्षका नेताबीच बैठकमा बारम्बार बिबाद हुने गरेको थियो।

फाउन्डेसनलाई ५० लाख दिने निर्णय फिर्ता लिन तथा जथाभावी रूपमा वितरण गरिएको बजेटलाई रोक्न माग गर्दै माओवादी, कांग्रेस, विवेकशील र नेमकिपाले मोर्चाबन्दी गरेका थिए ।

सम्बन्धित समाचार

कर प्रशासनलाई प्रविधिमैत्री र पारदर्शी बनाउने अर्थमन्त्रीको प्रतिबद्धता
कर प्रशासनलाई प्रविधिमैत्री र पारदर्शी बनाउने अर्थमन्त्रीको प्रतिबद्धता
  • २०७८ जेष्ठ १७, १९: ०६

काठमाडौं । अर्थमन्त्री स्वर्णिम वाग्लेले कर प्रशासनलाई प्रविधिमैत्री, सरल, सहज र पारदर्शी बनाउने प्रतिबद्धता व्यक्त गरेका छन् । राष्ट्रिय कर...

लैङ्गिक हिंसाविरुद्धको १६ दिने अभियान नोभेम्बर २५ देखि सुरु हुँदै
लैङ्गिक हिंसाविरुद्धको १६ दिने अभियान नोभेम्बर २५ देखि सुरु हुँदै
  • २०७८ जेष्ठ १७, १९: ०६

काठमाडौं । लैङ्गिक हिंसाविरुद्ध जनचेतना अभिवृद्धि गर्नुका साथै पीडितको संरक्षण र न्यायमा पहुँच सुनिश्चित गर्ने उद्देश्यले यस वर्ष पनि लैङ्गिक...

प्रेस स्वतन्त्रता र पत्रकारका श्रम अधिकारको माग गर्दै पत्रकार महासंघले घोषणा गर्‍यो  देशव्यापी  आन्दोलन
प्रेस स्वतन्त्रता र पत्रकारका श्रम अधिकारको माग गर्दै पत्रकार महासंघले घोषणा गर्‍यो देशव्यापी आन्दोलन
  • २०७८ जेष्ठ १७, १९: ०६

काठमाडौं, १ मंसिर । नेपाल पत्रकार महासंघले प्रेस तथा अभिव्यक्ति स्वतन्त्रताको रक्षा, पत्रकारको पेसागत सुरक्षा र श्रम अधिकार सुनिश्चित गर्न...