
नयाँ बिकल्प,
सुर्खेत: प्रदेश सभा र संघीय संसदको २०७४ मंसिरमा भएको निर्वाचनपछि सरकारबाट बाहिरीएको नेपाली कांग्रेसले तीन वर्षपछि सत्तामा इन्ट्री गरेको छ।
नेकपा माओबादी केन्द्रले नेतृत्व गरेको कर्णाली प्रदेश सरकारमा सहभागी भएर कांग्रेसले सत्तामा प्रवेश गरेको हो। कांग्रेसको कर्णाली प्रदेश संसदीय दलका नेता जीबनबहादुर शाहीको सिफारिसमा कांग्रेसका दुई सांसद मन्त्री भएका हुन्।
नेपाली कांग्रेसका पूर्वकेन्द्रीय सदस्य समेत रहेका जुम्लाका दिनबन्धु श्रेष्ठलाई जलस्रोत तथा उर्जा विकास मन्त्रीमा र सुर्खेतका यज्ञबहादुर विसीलाई सामाजिक विकास मन्त्रीको जिम्मेवारी दिइएको छ।
प्रदेशमा माओबादी केन्द्र संसदीय दलका नेता महेन्द्रबहादुर शाही मुख्यमन्त्री छन्। एमाले संसदीय दलले शाहीलाई दिएको विश्वासको मत फिर्ता लिए पनि एमालेको माधवकुमार नेपाल र झलनाथ खनाल समूहका चार प्रदेश सांसदले शाहीको पक्षमा मत दिएका थिए।
कर्णाली प्रदेशमा नेपाली कांग्रेसका ६ जना सांसद छन्। कर्णालीमा एमालेको असन्तुष्ट पक्ष, नेपाली कांग्रेस र माओबादीको संयुक्त सरकार बनेको छ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...