पाँच दलका नेताले भने – जनता बाढी पहिरोको विपतमा हुँदा सरकार गैरजिम्मेवार देखियो – Naya Bikalpa
November 21, 2026, Saturday      Epaper

पाँच दलका नेताले भने – जनता बाढी पहिरोको विपतमा हुँदा सरकार गैरजिम्मेवार देखियो


नयाँ बिकल्प,

काठमाडौं। नेपाली कांग्रेससहित पाँच प्रमुख राजनीतिक दलका शीर्ष नेताहरुले जनता कोरोना महामारीबाट आक्रान्त हुँदा जनजीवन झनै कष्टकर बनेको अवस्थामा बाढी र पहिरोमा परी ज्यान गुमाउनु परेको भन्दै प्राकृतिक विपत्तिको सामना गर्ने कुनै पूर्व तयारी नगरी सरकार गैरजिम्मेवार भएको आरोप लगाएका छन्।

नेपाली काग्रेसका सभापति शेरबहादुर देउवा, नेकपा माओबादी केन्द्रका अध्यक्ष पुष्पकमल दाहाल ‘प्रचण्ड’, नेकपा एमालेका बरिष्ठ नेता माधवकुमार नेपाल, जनता समाजबादी पार्टी, नेपालका अध्यक्ष उपेन्द्र यादव, र राष्ट्रिय जनमोर्चाकी उपाध्यक्ष दुर्गा पौडेलले विहीबार संयुक्त प्रेस बक्तव्य जारी गर्दै सरकारको आलोचना गरेका हुन्।

‘मनसुन वर्षाको शुरुमा नै देशका अधिकांश जिल्लामा बाढी र पहिरोको प्रकोप देखिएको छ । यसको कारण कतिपय मानिसहरुको ज्यान गएको छ भने अर्बौ रुपैयाँ बराबर भौतिक संरचना, अन्नबाली र पशुचौपाया नष्ट भएका छन्। बाढी, पहिरो र डुबानबाट जनताको सुरक्षा गर्न, पीडित जनता र विस्थापितहरुका लागि तत्काल आवास, खाद्यान्नको व्यवस्था गर्न सरकारसँग माग गर्दछौं’, संयुक्त बक्तव्यमा भनिएको छ।

नेताहरुले मृतकका परिवारलाई सहयोग, घाइतेहरुको उपचार लगायतका उद्धार र राहतका काम प्रभावकारी रुपमा अगाडि बढाउन सरकारसँग माग गर्दै इमान्दारी, तदारुकता र पारदर्शीरुपमा राज्यका सम्बन्धित सबै निकाय तथा साधन र स्रोतको पूर्ण परिचालन गरी विपद् व्यवस्थापनको कार्य गर्न आग्रह समेत गरेका छन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार ३, १८: ०४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार ३, १८: ०४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ असार ३, १८: ०४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...