एनआरएन अष्ट्रेलियाको न्यु साउथवेल्स राज्य संयोजकको उम्मेदवार शाह चर्चामा – Naya Bikalpa
November 21, 2026, Saturday      Epaper

एनआरएन अष्ट्रेलियाको न्यु साउथवेल्स राज्य संयोजकको उम्मेदवार शाह चर्चामा


नयाँ बिकल्प,

काठमाडौं। गैरआवासिय नेपाली संघ (एनआरएन) अस्ट्रेलियाको चुनाब नजिकीदै गर्दा विभिन्न राज्यमा विभिन्न पदका प्रत्यासीबीच प्रतिष्पर्धा हुन थालेको छ।

एनआरएन अस्ट्रेलियाको निर्वाचन आगामी जुलाइ ३१ तारिख अर्थात साउन १६ गते तोकिएको छ। एनआरएन अष्ट्रेलियाको साउथवेल्स राज्य संयोजक (उपाध्यक्ष) मा उम्मेदवारी दिने घोषणा गरेकी सन्ध्या शाह यतिबेला चर्चामा छिन्।

नारी निकुन्जकी संयोजक संन्ध्या शाहले एनआरएन न्यु साउथवेल्स राज्यको संयोजकमा उमेदबारी दिने घोषणा सार्वजनिक गरेपछि शाहको चर्चासँगै समर्थनको समेत लहर आउन थालेको छ।

नारी निकुन्जको सदस्यहुँंदै एनएसडब्लु संयोजक र हाल नारी निकुन्जकै संयोजक बनेकी शाहले यस पटक आफुले तीन कार्यकाल गरेको काम र अनुभवका आधारमा उपाध्यक्ष पद दावी गरेको बताइन् । नारी निकुन्ज एनआरएन अस्ट्रेलियाको भगिनी संस्थाका रुपमा छ।

एनआरएनको सदस्यता बढाउने खेलमा चुनाब पनि एक महिना पछि सार्न अस्ट्रेलियाले केन्द्रसँग आग्रह गरेको छ। तर त्यसको निर्णय आइसकेको छैन। तोकिएको समयमा एनआरएन अस्ट्रेलियामा २ हजार सदस्य पनि छैनन्।

त्यसैले कार्यसमितीको बैठकले सदस्यताको म्याद १६ दिन बढाएर जुन २७ तारिख अर्थात असार १३ गतेसम्मका लागि लम्बाइएको छ। यस कारण अब कम्तीमा सदस्यता संख्या ६ हजारको हाराहारीमा पुग्ने अनुमान गरिएको छ।

आफनो कार्यकालमा नेपालमा थुप्रै परोपकारी कार्य गर्दै आएको नारी निकुन्जले नेपालका दुर्गम जिल्लाका स्कुलहरुमा नानीहरुलाई निशुल्क प्याड बितरण ,अछाममा पाठेघर खस्ने समस्यावाट पीडित महिला दिदी बहिनीहरुलाई आवश्यक उपचार सहयोग लगायतको काम अगाडि बढिरहेको शाहले बताइन्।

नेपालजन्जकी स्थायी बासिन्दा शाह प्रवासमा बसेर पनि मुलुक अनि माटोको लागि केही गर्न सकिन्छ भन्ने उदेश्यले एनआरएन अभियानमा सामेल भएको बताउछिन ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार ४, १३: २८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार ४, १३: २८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ असार ४, १३: २८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...