लागूऔषधसम्वन्धी घटनाको मिसिल अदलबदलको आशंकामा धनुषाका एसपीमाथि छानबिन – Naya Bikalpa
November 21, 2026, Saturday      Epaper

लागूऔषधसम्वन्धी घटनाको मिसिल अदलबदलको आशंकामा धनुषाका एसपीमाथि छानबिन

नयाँ बिकल्प,

जनकपुर । जिल्ला प्रहरी कार्यालय धनुषाका प्रमुख प्रहरी उपरिक्षक (एसपी) प्रकाश रानाभाटमाथि एक लागुऔषधसम्बन्धी घटनाको मिसिल अदलबदल गरेको आरोपमा अनुसन्धान शुरु भएको छ।

रानाभाटले लागूऔषधका अभियुक्तको प्रलोभनमा परेर मुद्दाको मिसिलमा अदलबदल गरी मुद्दा कमजोर बनाउन खोजेको भन्दै प्रहरी प्रधान कार्यालयमा उजुरी परेपछि एसपी रानाभाटमाथि अनुसन्धान थालिएको प्रहरी मुख्यालयका एक अधिकृतले बताए।

गत फागुन ८ गते धनुषा जिल्लाको इलाका प्रहरी कार्यालय महेन्द्रनगरले बटेश्वरबाट प्रतिबन्धित लागुऔषध नाइट्रोजन भ्याट सहित तीन जनालाई पक्राउ गरेको थियो। सो घटनाको मिसिल नै परिवर्तन गरेर मुद्दा कमजोर बनाउन खोजेको एसपी रानाभाटमाथि उजुरी परेको हो।

उजुरी परेपछि प्रहरी प्रधान कार्यालयले गठन गरेको छानविन समितिले अहिले धनुषा आएर अनुसन्धान प्रक्रिया अगाडि बढाएकोे छ। लागुऔषधहित गत फागुनमा महोत्तरीको मनरा सिसवा नगरपालिका–२ बस्ने वर्ष २१ का केशव सिंह, बर्ष २० का रोशन ठाकुर र वर्ष २० का सहिल सिंह पक्राउ परेका थिए।

उनीहरुलाई बटेश्वर गाउँपालिका–२ कार्तिक कुम्हर बजारबाट फागुन ८ गते साँझ तीन सय ८० थान ‘नाइट्रोजन भ्याट’ ट्याबलेटसहित प्रहरीले पक्राउ गरेको थियो। यस्तै प्रहरीले उनीहरू चढेको ज. ७ प १५७४ नम्बरको होण्डा साइन मोटरसाइकल पनि नियन्त्रणमा लिएको थियो।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार ५, १८: ३७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार ५, १८: ३७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ असार ५, १८: ३७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...