यस वर्षको बाढी पहिरोबाट १७ जनाको मृत्यु र २२ जना बेपत्ता – Naya Bikalpa
November 7, 2026, Saturday      Epaper

यस वर्षको बाढी पहिरोबाट १७ जनाको मृत्यु र २२ जना बेपत्ता


नयाँ बिकल्प,

काठमाडौं । यसवर्षको मनसुन शुरु भएसँगै आएको अविरल वर्षाका कारण देशका विभिन्न ठाउँमा आएको बाढी, पहिरो र डुबानमा परी १७ जनाको मृत्यु भएको छ भने २२ जना अझै बेपत्ता भएका छन्।

नेपाल प्रहरीका अनुसार जेठ ३० गतेदेखि आज शनिबारसम्म १७ जनाको मृत्यु भएको छ। मृत्यु हुनेहरूमा २ बालक र एक बालिकासहित १० जना पुरुष र ४ जना महिला रहेका छन्।

सिन्धुपाल्चोक र डोटीमा तीन, तीन जना, सप्तरी, काभ्रे, गोरखा, जुम्ला, अर्घाखाँची, पाल्पा, कास्की, कालिकोट, बाजुरा, बझाङ र प्युठानमा एक, एक जनाको निधन भएको छ र यही समयभित्र बाढी र पहिरोमा परेर २२ जना वेपत्ता भएका छन्।

बेपत्ता हुनेमा १५ जना पुरुष, ५ जना महिला र २ जना बालक रहेका छन् । बेपत्ता हुनेहरु सबैजसो निधन हुन सक्ने प्रहरीले आशंका गरेको छ। बेपत्ता हुनेहरुमा सिन्धुपाल्चोकको बाढीमा २१ जना र बाजुरामा १ जना रहेका छन्। बेपत्ताको खोजी कार्य प्रहरीले जारी राखेको छ।

बढी र पहिरोमा परी १७ जना घाइते भएका छन्। घाइते हुनेमा १० जना पुरुष, ४ जना महिला, १ जना बालक र २ जना बालिका रहेका छन्। उनीहरुमध्ये सिन्धुपाल्चोकमा ५ जना, म्याग्दी र डोटीमा तीन, तीन जना, जुम्लामा दुई जना, कास्की, स्याङजा, चितवन र सल्यानमा एक, एक जना रहेका छन्।

बाढी तथा पहिरोमा परेका सिन्धुपाल्चोकमा ९४ जना, सल्यानमा ८ जना, दाङमा ४ जना र कञ्चनपुरमा ३ जना गरी १ सय ९ जना घाईतेको उद्दार भएको स्थानीय अस्पतालहरुमा उपचार भइरहेको छ।

बाढी पहिरोको जोखिममा रहेका विभिन्न जिल्लाका घर परिवारलाई सुरक्षित स्थानमा राख्ने, पहिरोमा पुरिएका धनमाल निकालेर सुरक्षा गर्ने, अवरुद्ध सडक खुलाउने काम भएको प्रहरीले जनाएको छ।

सम्बन्धित समाचार

डा. गोविन्द केसी र सरकारबीच ६ बुँदे सहमति, तोडियो अनशन
डा. गोविन्द केसी र सरकारबीच ६ बुँदे सहमति, तोडियो अनशन
  • २०७८ असार ५, २०: ०२

काठमाडौं : सरकार र अनशनरत डा. गोविन्द केसीबीच ६ बुँदे सहमति भएको छ । सहमतिसँगै शनिबार राति डा. केसीले आफ्नो...

प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
प्रेस स्वतन्त्रताका पक्षमा छठपछि चरणबद्ध आन्दोलन गर्ने पत्रकार महासंघको निर्णय
  • २०७८ असार ५, २०: ०२

काठमाडौं : नेपाल पत्रकार महासंघले प्रेस तथा अभिव्यक्ति स्वतन्त्रताको संरक्षण र आफ्ना माग पूरा गराउन छठ पर्वपछि चरणबद्ध आन्दोलन गर्ने...

कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
कांग्रेसले बाढीपहिरो प्रभावित रसुवा, धादिङ र नुवाकोटमा पुनर्स्थापना अभियान चलाउने
  • २०७८ असार ५, २०: ०२

काठमाडौं : नेपाली कांग्रेसले भोटेकोशी–त्रिशूली बाढीपहिरोबाट प्रभावित रसुवा, धादिङ र नुवाकोटका नागरिकको पुनर्स्थापना तथा पुनर्निर्माणका लागि अभियान सञ्चालन गर्ने भएको...