कांग्रेस उपसभापति गच्छदार विशेष अदालतमा हाँजिर – Naya Bikalpa
November 21, 2026, Saturday      Epaper

कांग्रेस उपसभापति गच्छदार विशेष अदालतमा हाँजिर


नयाँ बिकल्प,

काठमाडौं – नेपाली कांग्रेसका उपसभापति विजयकुमार गच्छदार बुधबार बिहान विशेष अदालत बबरमहलमा हाजिर भएका छन्।

कांग्रेस उपसभापति समेत रहेका गच्छदारलाई अख्तियार दुरुपयोग अनुसन्धान आयोगले ललिता निवासको ११३ रोपनी जग्गा हिनामिना प्रकरणमा मुद्धा चलाएको थियो। कांग्रेस सभापति शेरबहादुर देउवा नेतृत्वको सरकार गठन भएको भोलीपल्टै गच्छदार अदालतमा उपस्थि भएका हुन्।

पूर्वउपप्रधानमन्त्री समेत रहेका गच्छदारलाई एक वर्षदेखि विशेष अदालतले पटक पटक हाँजिर हुन सूचना जारी गरेको थियो। अदालतमा बुधबार बिहान पुगेका गच्छदारलाई बयान लिएर मुद्दा प्रक्रिया अगाडि बढाउने तयारी भएको विशेष अदालतका सह–रजिष्टार तथा प्रवक्ता विश्वराज पाण्डेयले जानकारी दिए। अहिले गच्छदारको बयान लिने कार्य भइरहेको छ।

अदालतले गच्छदारको निवासमा पटकपटक म्याद तामेली टाँस गरेको थियो। अख्तियारले गच्छदारविरुद्ध तत्कालिन उपप्रधानमन्त्रीको हैसियतमा ललिता निवास जग्गा प्रकरणमा फाईल पेश गरेको भन्दै ९ करोड ६५ लाख ७६ हजार बिगो माग गर्दै भ्रष्टाचार मुद्दा दायर गरेको थियो।

ललिता निवासको सरकारी जग्गा व्यक्तिको बनाई भ्रष्टाचार गरेको आरोपमा विशेष अदालतमा २०७६ माघ २२ गते गच्छदारसहित १७५ जनाविरुद्ध मुद्दा दायर गरिएको थियो। गच्छदारले बालुवाटार जग्गा प्रकरणमा आफ्नो कुनै भूमिका नरहेको बताउँदै आएका छन्। भ्रष्टाचारको मुद्दा लागेपछि उनको सांसद पद निलम्बनमा छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार ३०, १४: ३८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार ३०, १४: ३८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ असार ३०, १४: ३८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...