- अनामनगर काठमाडौँ
- infobikalpa21@gmail.com
नयाँ बिकल्प,
काठमाडौं । सत्तारुढ दल नेपाली कांग्रेस, नेकपा माओबादी लगायतका पाँच राजनीतिक दल निकटका पाँच विद्यार्थी संगठनले निवर्तमान प्रधानमन्त्री केपी शर्मा ओली नेतृत्वको सरकारले यातायातमा बढाएको भाडा तत्काल फिर्ता गर्न सरकारलाई चेतावनी दिएका छन्।
पाँच विद्यार्थी संगठनको तर्फबाट पाँच विद्यार्थी संगठनका अध्यक्षद्वारा संयुक्त रुपमा जारी विज्ञप्तिमा सार्वजनिक यातायातमा बढाएको भाडा फिर्ता गर्न सरकारसँग माग गरेका हुन्।
उनीहरुले तत्काल भाडा फिर्ता नगरिए आन्दोलनमा उत्रने समेत चेतावनी दिएका छन्। ‘सरकारले सार्वजनिक यातायातमा २८ प्रतिशतसम्म भाडाबृद्धि गरेको छ। सरकारको यो निर्णयले नेपालको विद्यार्थी आन्दोलनलाई आक्रोशित बनाएको छ।
भाडा बृद्धिको निर्णय तत्काल खारेज नगरिएमा कडा संघर्षमा उत्रिने र त्यसको सम्पूर्ण जिम्मेवार सरकार हुने चेतावनी दिन चाहन्छौ’, विज्ञप्तिमा भनिएको छ।
पाँच विद्यार्थी संगठनले साउन १ गते भोलि यातायात व्यवस्था विभागमा ज्ञापनपत्र पेशपछि आन्दोलनका थप कार्यक्रम घोषणा गर्ने नेविसंघका महामन्त्री बलदेव तिमिल्सिनाले जानकारी दिए।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
