नेपाली सेनाले कार्यान्वयन गर्याे सांगठनिक पुनर्संरचना

नयाँ विकल्प,

काठमाडाैं- नेपाली सेनाले पुनर्संरचना कार्यान्वयन गरेकाे छ । २४ असार मा मन्त्रीपरिषद्‍ले गरेकाे निर्णयबाट नेपाली सेनाकाे सांगठनिक
पुनर्संरचना गरिएकाे सेनाले जनाएकाे छ ।

नेपाली सेनाले ८ पृतनालाइ हटाएर ‘थ्री प्लस वान’ कामाण्डकाे संरचना बनाएकाे थियाे । गत चैत २० गते बसेकाे मन्त्रीपरिषद्‍ बैठकले नेपाली सेनाको ३ जोड १ कमाण्ड संरचनालाई स्वीकृति गरेकाे थियाे ।

नेपाली सेनाकाे मुख्यालय जंगी अड्‍डामा आयोजित एक कार्यक्रमका बीच प्रधान सेनापति पूर्णचन्द्र थापाले कमाण्ड हेडक्वाटरका कमाण्ड सेनापतिहरुलाई कमाण्ड तथा झण्डा हस्तान्तरण गरेका छन् ।

साे कार्यक्रममा बलाधिकृत रथी प्रभुराम शर्मा लगायत जंगी अड्‍डा स्थित विभिन्न कार्यालयका रथीबृन्द तथा अधिकृतहरुको उपस्थिती रहेको नेपाली सेनाले जनाएकाे छ ।

उक्त कार्यक्रम सम्बोधन गर्दै सेनापति थापाले कमाण्ड सेनापतिहरुलाई सफल कार्यकालको शुभकामना समेत दिएका थिए । साथै, सोही कार्यक्रममा महारथी थापाले विशेष स्वरुपमा तयार गरिएको प्रधान सेनापति छडि समेत ग्रहण गरेका थिए ।