मन्त्रीका आकांक्षी धेरै भएपछि दबाबमा प्रधानमन्त्री – Naya Bikalpa
November 21, 2026, Saturday      Epaper

मन्त्रीका आकांक्षी धेरै भएपछि दबाबमा प्रधानमन्त्री

काठमाडौं । नेपाली कांग्रेसका सभापति शेरबहादुर देउवालाई आफू नेतृत्वको संयुक्त सरकारमा पार्टीको तर्फबाट चार जनालाई मन्त्रीको लागि नियुक्ति गर्ने निकै सकस परेको छ । गत असार ३० गते गठन भएको ५ सदस्यीय मन्त्रिपरिषद्मा अघिल्लो साता कांग्रेसबाट उमेश श्रेष्ठ स्वास्थ्य राज्यमन्त्री बनीसकेका छन् ।

संयुक्त सरकारमा कांग्रेसले लगभग ८ वटा मन्त्रालय पाउने निश्चित भएको छ । चार जना मन्त्रिपरिषद्मा सहभागी भइसकेका छन् । वाँकी चारमध्ये एक आफ्नै संस्थापन पक्षबाट, २ जना नेता रामचन्द्र पौडेलको तर्फबाट र एक जना नेता कृष्णप्रसाद सिटौलाको तर्फबाट मन्त्री बनाउने पक्षमा प्रधानमन्त्री देउवा छन् ।

कांग्रेसको तर्फबाट चार मन्त्री छान्नुअघि नै पूर्वउपप्रधानमन्त्री सुजाता कोइराला सरकारमा जाने सम्भावना छ । उनलाई मन्त्री बनाउने कुरामा महामन्त्री डा. शशांक कोइराला, नेता डा. शेखर कोइराला, नेता कृष्ण सिटौलाले पनि सकारात्मक रुपमा लिएका छन् । तर, नेता पौडेल भने सुजाताको सट्टा मन्त्रीमा बर्दियाका संजय गौतम र सप्तरीको तेजुलाल चौधरीलाई पठाउन चाहन्छन् ।

महामन्त्री डा. शशांक कोइरालाले आफू सरकारमा नजाने इच्छा व्यक्त गरिसकेका छन् । उनले आफू नगए पनि देउवा नेतृत्वको सरकारमा काठमाडौंका राजन केसीलाई मन्त्री बनाउनु पर्ने पक्षमा छन् । तर संस्थापनइत्तरका नेता पौडेल भने केसीलाई मन्त्रिपरिषद्मा पठाएर आफूलाई फाइदा नहुने विषयमा ढुक्क छन् । त्यसैले पौडेल तेजुलाल र संजय गौतमको बिबल्पमा अरु नेतालाई छनोट गर्ने पक्षमा छैनन् । महामन्त्री डा. कोइराला भने तेजुलाल र संञ्जय गौतमको सट्टामा उदयपुरका डा. नारायण खड्कालाई मन्त्री बनाउनु पर्ने पक्षमा देखिएका छन् ।

उता सभापति देउवासँग मन्त्री बन्नको लागि सर्लाहीका डा. अमरेसकुमार सिंह, मोरङकी डा. डिला संग्रौला, अर्घाखाँचीकी पुष्पा भूषाल र मानबहादुर विश्वकर्मा, इलामकी सुजाता परियार पनि मन्त्री बन्ने दौडमा छन् । सिंहबाहेक संग्रौला, भूषाल, विश्वकर्मा र परियार समानुपातिक सांसद भएको भन्दै सभापति देउवालाई निर्वाचित सांसदलाई मन्त्री बनाउन उनी निकटका नेताहरुले दबाब दिइरहेका छन् ।

उता तेश्रो धारको नेतृत्व गरिरहेका नेता कृष्णप्रसाद सिटौलाको तर्फबाट भने बाराका निर्वाचित सांसद उमाकान्त चौधरी मन्त्री हुने पक्का पक्की छ । चौधरी यसअघि पनि स्वास्थ्य मन्त्री भएर मन्त्रालय हाँकी सकेका नेता हुन । २ नम्वर प्रदेशबा निर्वाचित ५ नेतमध्ये चौधरी लोकप्रीय नेताको रुपमा चिनिएका छन् ।

चौधरी सिटौलाको अतिरिक्त सभापति देउवाको पनि छनोटमा परेका बालुवाटार स्रोतले बतायो । तर फेसवुक र केही दर्ता नै नभएका अनलाइन समाचार पोर्टलहरुले भने गगन थापा स्वास्थ्य मन्त्री भइसके भन्दै झुटो सन्देश प्रचार गरिरहेका छन् । थापालाई मन्त्री बनाउन सभापति देउवा समेत अनिच्छुक देखिएको बालुवाटार स्रोतले बतायो ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण १८, १४: ५५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण १८, १४: ५५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण १८, १४: ५५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...