लुम्विनी प्रदेशको मुख्यमन्त्रीमा माओबादी केन्द्रका केसी नियुक्त

नयाँ विकल्प
प्रकाशित मिती: २०७८ श्रावण २८, १६: १०

नयाँ विकल्प ।

बुटबल । लुम्बिनी प्रदेशको मुख्यमन्त्रीमा नेकपा माओबादी केन्द्र लुम्विनी प्रदेश संसदीय दलका नेता कुलप्रसाद केसी नियुक्त भएका छन्। प्रदेश प्रमुख अमिक शेरचनले माओबादी दलका नेता केसीलाई बिहीबार मुख्यमन्त्रीमा नियुक्त गरेका हुन्।

केसीलाई नेपाली काँग्रेस, जनमोर्चा र जसपा समेतको समर्थन छ। चार दलका ४२ सदस्यहरुले केसीको नाममा आफूहरुको समर्थन रहेको भन्दै प्रदेश प्रमुख समक्ष आजै दावेदारी प्रस्तुत गरेका थिए।

यसअघि संविधानको धारा १६८ को उपधारा २ बमोजिम दुई वा दुईभन्दा बढी दलको बहुमत पु(याएर नयाँ सरकार गठनका लागि दाबी पेश गर्न प्रदेश प्रमुख शेरचनले आज बिहीबार दिउँसो तीन बजेसम्मको समयसीमा तोकेका थिए।

एमालेको लुम्बिनी प्रदेश सभा संसदीय दलका नेता शंकर पोखेरलले बुधबार मुख्यमन्त्रीबाट राजीनामा दिएपछि नयाँ सरकार गठनको बाटो खुलेको थियो।

नवनियुक्त मुख्यमन्त्री केसी रोल्पा १ (क)बाट निर्वाचित भएका थिए। प्रदेश प्रमुखले केसीलाई मुख्यमन्त्री नियुक्त गरेसँगै अपरान्ह ४ बजे शपथ ग्रहण गराउने तयारी भएको छ। केसी यसअघि एमाले र माओबादी केन्द्र छुट्टिनुअघि पोखरेले नेतृत्वको सरकारमा आन्तरिक मामिला तथा कानून मन्त्री थिए।