भारतको ७५औं स्वतन्त्रता दिवस भव्यरुपमा सम्पनन

नयाँ विकल्प ।

काठमाडौ । मित्रराष्ट्र भारतले आफ्नो ७५औं स्वतन्त्रता दिवस देश र विदेशमा समेत विविध कार्यक्रम गरी भव्य रुपमा मनाएको छ।
भारत स्वतन्त्र भएको दिन अगष्ट १५ को अवसरमा आइतबार काठमाडौंस्थित भारतीय दूतावासवले ‘आजादीका अमृत महोत्सव’को कार्यक्रम मनाएको छ ।

भारत स्वतन्त्र भएको ७५ वर्ष पुगको अवसरमा आइतबार नेपालका लागि भारतीय राजदूत विनयमोहन क्वात्राले आइतबार दूतावास परिसरमा आयोजित कार्यक्रममा भारतको झण्डोत्तोलन गरी भारतीय राष्ट्रपतिको सन्देश पढेर सुनाएका थिए।

भारतीय राष्ट्रपतिको सन्देशमा ७५ वर्षअघि स्वतन्त्रताकोलागि बलिदान दिने स्वतन्त्रता सेनानीप्रति श्रद्धाञ्जली व्यक्त गरिएको थियो ।

सो अवसरमा भारतीय राजदूत क्वात्राले भारतीय शसस्त्र फौज र गोरखा सैनिकमा कार्यरत हुँदा दिवंगत भएका नेपालीका विधवा र आश्रित परिवारका सन्तानलाई चार करोड ४५ रुपैयाँ बराबर आर्थिक सहयोग र प्रत्येक परिवारलाई ब्लाङ्केट वितरण गरिएको थियो।

सो अवसरमा भारतीय केन्द्रीय विद्यालयलका शिक्षक र विद्यार्थीले राष्ट्रिय गीत र नृत्य प्रस्तुत गरेका थिए। राजदूत क्वात्राले सो अवसरमा भारतीय कला संस्कृति सम्पदा राष्ट्रिय कोसको वेबसाईटमा नेपालको संरक्षीत सांस्कृतिक सम्पदाको शुभारम्भ गरे।

भारतीय सरकारको लगानीमा पाँच वर्षअघि आएको भूकम्पले क्षति पुर्याएका सांस्कृतिक सम्पदानको पुनःनिर्माण गर्न भारतीय सरकारले ५० मिलियन अमेरिकी डलर उपलब्ध गराईसकेको छ।