माधव नेपाल नेतृत्वको पार्टीको नाम फेरियोः नेकपा एकीकृत समाजबादी – Naya Bikalpa
November 21, 2026, Saturday      Epaper

माधव नेपाल नेतृत्वको पार्टीको नाम फेरियोः नेकपा एकीकृत समाजबादी


नयाँ बिकल्प ।


काठमाडौं । पूर्वप्रधानमन्त्री माधवकुमार नेपाल नेतृत्वको पार्टीको नाम फेरिएको छ। अब पार्टीको नाम नेपाल कम्युनिष्ट पार्टी एकीकृत समाजवादी (नेकपा एकीकृत समाजवादी) हुने भएको छ।


सरकारले बुधबार राजनीतिक दल सम्वन्धी कानून परिवर्तन गर्न अध्यादेश जारी गरेकै दिन एमाले बरिष्ठ नेता माधवक कुमार नेपालसहितका नेकपा एमालेका नेताहरुले एमालेबाट अलग भएको घोषणा गर्दै निर्वाचन आयोगमा नेकपा एमाले समाजबादी नामको दल दर्ता गराएका थिए।


नेकपा एमाले समाजवादी दल दर्ताका लागि निर्वाचन आयोगमा बुधबार निवेदन दिए पनि निर्वाचन आयोगका अधिकारीहरुले सर्वोच्च अदालतको २३ फागुनको फैसलाअनुसार एउटा पार्टीको नाममा विशेषण झुण्ड्याएर अर्को दल दर्ता गर्न नमिल्ने अडान लिएका थिए।


राजनीतिक दलसम्बन्धी अध्यादेश जारीपछि नियमावली अनुसार शुक्रबार नयाँ निवेदन दिंदा नाम पनि फेरिएको हो। अध्यादेश जारी भए पनि राजपत्रमा सूचना प्रकाशित भइ नसकेको कारण शुक्रबार पुन दल दर्ता गर्न नेपालसहितका नेता निर्वाचन आयोग गएका थिए।


यसअघि बुधबार ९५ सदस्यीय केन्द्रीय कमिटीलाई आज शुक्रबार विस्तार गरेर ११५ पुर्याइएको छ। चुनाव चिन्ह भने अझै तय भएको छैन।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र ४, १५: ५७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र ४, १५: ५७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र ४, १५: ५७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...