मेलिना र निशान भट्टराईको म्युजिक भिडियो ‘सालघारीमा’ मा अञ्जली अधिकारी

धरान । गीतकार सन्जिव कोयी राईको शब्द रचनामा गायिका मेलिना राई र गायक निशान भट्टराईले गाएको ‘सालघारीमा’ गीतको म्युजिक भिडियो सार्वजनिक भएको छ ।

रोमान्टिक शैलीको म्युजिक भिडियोमा मोडल अञ्जली अधिकारी र विजय पुनले मुख्य अभिनय गरेका छन्। म्युजिक भिडियोको निर्देशन आशिष राईले गरेका छन् भने छायाँङ्कन दुर्गा बान्तावा राई र मनोज राईले गरेका हुन् । राजु कार्कीले एरेन्ज गरेको गीतको संगीत दिलीप कोयी राईले गरेका हुन् ।

सार्वजनिक म्युजिक भिडियोका लागि श्रृंगार सन्जु थुलङले गरेकी हुन् भने ड्रोनमा किरण रोक्काले लिएका दृश्यमा रेकर्डिङ, मिक्सिङ र मास्टरिङ एकराज सेम राईले गरेका छन्। वान पिस स्टुडियो काठमाडौंमा रेकडिङ गरिएको भिडियो जनता डिजिडल फिल्म मार्फत बजारमा ल्याइएको हो।

म्युजिक भिडियो प्राविधिक पक्षको सम्पूर्ण इडिटिङ र कलरिङ अमृत चापागाईले गरेका हुन्। गीतकार राईका अनुसार सो म्युजिक भिडियो निर्माणका लागि मकाउका नेपाली समुदायको सहयोग रहेको छ। म्युजिक भिडियोका लागि मकाउका युवा व्यवसायी रुस्तम श्रेष्ठले मुख्य प्रायोजन गरेका छन्।

नेपाली सहयोगी हातहरु मकाउ, गुरुङ ‘तमु’ समाज, किरात राई यायोक्खा, मगर संघ, शेर्पा समाज, नेपाल आदिबासी जनजाति महासंघ, तामाङ घेदुङ एशोसियएसन, किराँत याक्थुम चुम्लुङ मकाउ, एन होप ट्रेडिङ एण्ड ब्राण्ड लिमिटेट, महिला शक्ति समाज सुनसरी र कविता राईसहितको सहप्रायोजक गरेको गीतकार राईले जनाए।

हेर्नुस् भिडियाे –