जनगायक जेवी टुहुरेको निधनः आजै अन्त्येष्टि – Naya Bikalpa
November 21, 2026, Saturday      Epaper

जनगायक जेवी टुहुरेको निधनः आजै अन्त्येष्टि


काठमाडौं ।

जनगायक जुठबहादुर खड्गी ‘जेबी टुहुरे’को आज निधन भएको छ। टुहुरेको ७८ वर्षको उमेरमा बयोधा अस्पताल बल्खुमा उपचारका क्रममा बिहीबार विहान निधन भएको हो।

भदौ १ गते कलंकीस्थित घरमा पक्षघात भएर लडेका उनलाई परिवारका सदस्यले तत्काल अस्पताल पुर्याएपनि मस्तिस्कमा रगत जमेको र हातखुट्टा नचलेका कारण १० देखि अचेत अवस्थामा उपचार भइरहेको थियो। मुटु, फोक्सो, महुमेह र उच्च रत्तचाप लगायतका दीर्घरोग भएका कारण शल्यक्रिया हुन नसकेको पारिवारिक श्रोतले बतायो।


दोस्रो संविधानसभामा तत्कालिन नेकपा एमाओबादी केन्द्रको तर्फबाट सदस्य समेत रहेका टुहुरेको पार्थिव शरीर अन्तिम श्रद्धान्जलीका लागि दिउँसो साढे १ बजेदेखि २ बजेस्म्म पार्टी कार्यालय पेरिसडाँडामा राखिएको थियो। उनको अहिले पशुपति आर्यघाटमा अन्त्येष्टिका लागि शव यात्रा गरिँदैछ।

को हुन् जेबी टुहुरे ?

२००१ साल कात्तिक १५ गते धरानको पुरानो बजारमा जन्मिएका जुठबहादुर खड्गी सानैदेखि गीत गाउनमा पोख्त थिए। २०२१ मा पिता कृष्णबहादुर खड्गीको निधन पछि उनले आफ्नो पहिचान नै बदल्दै जेबी टुहुरे भनेर चिनिए।


२०२२ देखि नै वामपन्थी बिचारधाराप्रति झुकाव राख्ने टुहुरेले २०२४ सालदेखि प्रगतिशिल गीत भन्दै जनताका गीत गाउन थालेका थिए। उनको ‘आमा दिदी बहिनी हो, कति बस्छौ दासी भई सुखकाे सँधै प्यासी बनेर’ भन्ने गीत निकै चर्तित र लोकप्रीय छ।

उनले गाएको अर्को गीत ‘बसाईं हिँडेको ताँतीले बस्नेको मन रुवाउँछ, लाखौंको लागि उजाड छ, यो देश मुठ्ठी त भरलाई स्वर्ग छ’ जस्ता कालजयी गीतका श्रष्टा टुहुरे समाजका हरेक शोषित पीडित समुदायको भावना र भोगाई प्रतिविम्वित हुने गीतहरु गाउँथे।

राजनीतिक रुपमा उनको आवद्धता २०४७ सालसम्म नेकपा माले, एमाले हुँदै पछिल्लो समय माओवादी केन्द्रमा थियो। दोस्रो संविधानसभामा माओवादी केन्द्रबाट सभासद बनेको उनी जनसांस्कृतिक महासंघका संरक्षक र माओवादी केन्द्रका सल्लाहकार हुन्।


२०७५ सालमा उनको नाममा जेबी टुहुरे फाउण्डेसनसमेत स्थापना गरिएको छ। फाउण्डेसनको अध्यक्ष उनकी छोरी निर्भीका छिन् । टुहेरेले डेढ सयबढी जनपक्षीय गीत रेकर्ड गराएका छन्।


लामो समय मालेमा तत्कालिन महासचिव मदन भण्डारीको निकट रहेर काम गरेका टुहुरे २०४० देखि ५०को दशकमा झापा, मोरङ, सुनसरी, मुलुकको पूर्वीपहाडी जिल्ला र राजधानी काठमाडौंका धेरै ठाउँमा सांस्कृतिक कार्यक्रम गरेर जन जनमा प्रीय र लोकसंगीतका पारखीको ढुकढुकी बनेका थिए।


जनसेवा श्री पदक, हेम सरिता संगीत पुरस्कार लगायत विभिन्न सम्मान तथा पुरस्कारबाट सम्मानित भएका थिए। टुहुरे, रामेश, मंजुल र अरिमसँगै अग्रिम मोर्चामा रहेर संगीत कर्ममा जुटेका थिए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र १०, १४: ३५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र १०, १४: ३५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र १०, १४: ३५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...