- अनामनगर काठमाडौँ
- infobikalpa21@gmail.com
बिराटनगर । प्रदेश नम्वर १ मा नेकपा (एमाले)का १० प्रदेश सांसद माधवकुमार नेपाल नेतृत्वको नेकपा (एकीकृत समाजवादी) मा प्रबेश गर्ने भएका छन्।
९२ जना सांसद रहेको प्रदेश सभामा एमालेका एक सांसद फौजदारी अभियोगमा फरार भएपछि ५१ सांसद छन् । तिमध्ये १० जना सांसदले एमालेबाट अलग भई नवगठित नेकपा (एकीकृत समाजबादी)मा औपचारिक रुपमा प्रवेश गर्न लागेका हुन्।
एमाले परित्याग गरेर नेकपा एकीकृत समाजवादीमा औपचारिक रुपमा प्रवेश गर्न बुधबार प्रदेश सांसदहरु प्रदेश निर्वाचन कार्यालय विराटनगर गएर सनाखत गर्ने प्रदेश सभा सदस्य राजेन्द्र राईले बताए।
एमालेका प्रदेश सभा सदस्यहरु राजेन्द्र राई, खिनु लङ्वा लिम्बू, गणेश काङ्माङ, उपेन्द्र घिमिरे, राजन राई, सावित्रा रेग्मी, सरिता थापा, कृष्णकुमारी राई, पदमकुमारी गुरुङ र सुनिता चौधरी एकीकृत समाजवादी जाने निश्चित भएको हो।
एमालेका १० सांसद एमालेबाट अलग भएसँगै अव एमालेको पक्षमा ४१ जना मात्र प्रदेश सांसद रहन्छन्। उनीहरुले औपचारिक रुपमा एमालेबाट अलग भएसँगै मुख्यमन्त्री भीम आचार्यको पद पनि एक सातामै अल्पमतमा पर्ने निश्चित भएको छ।
एमाले विभाजन भएसँगै आफू अल्पमतमा पर्ने देखेर मुख्यमन्त्री शेरधन राईले गत साता पदबाट राजिनामा दिएर पहिले माधव नेपाल समूहमा रहेका भीम आचार्यलाई मुख्य मन्त्री बनाइएको थियो। आचार्य एमाले परित्याग गर्ने पक्षमा नभएपछि उनी स्वतः अल्पमतमा परेका हुन्।
काठमाडौँ । नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले अन्तर्राष्ट्रिय युवा दिवसका अवसरमा देशभरका युवालाई शुभकामना व्यक्त गर्दै युवाको ऊर्जा,...
काठमाडौं । गणपूरक संख्या नपुगेपछि प्रतिनिधिसभाको बैठक स्थगित भएको छ । बैठकमा नेपाली कांग्रेसका सांसद निश्कल राईले गणपूरक संख्यामाथि प्रश्न...
काठमाडौं : विभिन्न कार्यक्रमका साथ आज देशभर अन्तर्राष्ट्रिय युवा दिवस मनाइँदै छ । यस वर्षको अन्तर्राष्ट्रिय युवा दिवसको मूल नारा...
