- अनामनगर काठमाडौँ
- infobikalpa21@gmail.com
बिराटनगर । प्रदेश नम्वर १ मा नेकपा (एमाले)का १० प्रदेश सांसद माधवकुमार नेपाल नेतृत्वको नेकपा (एकीकृत समाजवादी) मा प्रबेश गरेका छन्।
९२ सदस्यीय प्रदेश १ को प्रदेश सभामा एमालेका एक सांसद फौजदारी अभियोगमा फरार भएपछि एमालेका ५१ सांसद थिए। तिमध्ये १० जना सांसदले एमालेबाट अलग भई नेकपा (एकीकृत समाजबादी)मा आज औपचारिक रुपमा प्रवेश गरेका हुन्।
नेकपा एमाले परित्याग गरी एकीकृत समाजवादीमा आबद्ध हुने प्रदेश १ का १० जना प्रदेश सभासदले बुधबार निर्वाचन आयोगको क्षेत्रिय कार्यालय विराटनगरमा गएर सनाखत गरेका हुन्।
यसरी सनाखत गर्ने सांसदहरूमा भोजपुरका राजेन्द्र राई, खोटाङका राजन राई, मोरङका उपेन्द्र घिमिरे, कृष्ण कुमारी राई र सावित्रा रेग्मी, इलामकी खिनु लङ्वा लिम्बू, पाँचथरका गणेश काङ्माङ, उदयपुरकी सुनिता चौधरी, संखुवासभाकी सरिता थापा र पदमकुमारी गुरुङ रहेका छन्।
एमालेबाट अलग भएर गठन भएको समाजवादी रोज्ने प्रदेश सभा सदस्यहरुको लागि निर्वाचन आयोगले यही भदौ २२ गतेसम्म सनाखत गर्ने समय तोकि दिएको थियो । १० प्रदेश सभासद्ले एकीकृत समाजबादीमा जाने भनी सनाखत गरेसँगै मुख्यमन्त्री भीमप्रसाद आचार्यको सरकार गठन भएको एक सातामै अल्पमतमा परेको छ।
एमाले विभाजन भएसँगै आफू अल्पमतमा पर्ने देखेर मुख्यमन्त्री शेरधन राईले गत भदौ १० गते पदबाट राजिनामा दिएर पहिले माधव नेपाल समूहमा रहेका भीम आचार्यलाई मुख्य मन्त्री बनाउन सहयोग गरेका थिए। आचार्य एमाले परित्याग गर्ने पक्षमा नभएपछि उनी स्वतः अल्पमतमा परेका हुन्।
काठमाडौँ : देशभर प्रहरी कार्यालयमा दर्ता हुने आपराधिक मुद्दाको संख्या बढेको छ । आर्थिक वर्ष २०८२/८३ मा अघिल्लो आर्थिक वर्षको...
काठमाडौं : सत्तारुढ दल राष्ट्रिय स्वतन्त्र पार्टी (रास्वपा)का सांसद मनिष झाले राज्य सञ्चालनमा सरकारले ढंग पुर्याउन नसकेको टिप्पणी गरेका छन्...
काठमाडौं : उद्योग, वाणिज्य तथा आपूर्तिमन्त्री गौरी कुमारी यादवले खाना पकाउने ग्यासको बढ्दो माग र आपूर्तिबीच सन्तुलन ल्याउन मन्त्रालयले पहल गरिरहेको...
