सोमबार बढेर छलाङ मारेको शेयरमा मंगलबार ओरालो लाग्यो – Naya Bikalpa
November 21, 2026, Saturday      Epaper

सोमबार बढेर छलाङ मारेको शेयरमा मंगलबार ओरालो लाग्यो


काठमाडौं । नेपाल राष्ट्रबैंकले शेयर धितो राखेर ऋण लिन पाउने प्रवाधानमा कडाई गरेपछि शेयर कारोबारको पहिलो दिन उच्च गिरावट आए पनि सोमबार कीर्तिमानी छलाङ मारेर बृद्धि भएको नेप्से आज साताको तेस्रो दिन मंगलबार भने ओरालो लागेको छ। आइतबार १०८.२६ अंकले घटेको बजार सोमबार १६२ अंकले बढेपनि आज फेरि ४४.१८ अंकले घटेर २९३६.६० विन्दुमा झरेको छ।

मंगलबार शेयर बजारमा १.४८ प्रतिशतले गिरावट आएको छ। कारोबार रकममा पनि गिरावट आएको छ। मंगलबार ७ अर्ब ४९ करोड रुपैयाँको मात्र कारोबार भएको छ। दुई साता अघिसम्म शेयरमा दैनिक १७ अर्ब बरावरको कारोबार हुने गरेको थियो। मंगलबार कुल २२२ कम्पनीको ८६ हजार ५ सय ८ पटक कारोबारबाट १ करोड ५० लाख ८२ हजार ८१ कित्ता शेयर किनबेच भएको छ।


आज कारोबारमा आएका १३ उपसमूहमध्ये दुई उपसमूहको परिसूचक उकालो लागेको छ भने बाँकी ११ उपसमूहको ओरालो लागेको छ। यस दिन अन्य र म्युचुअल फण्ड उपसमूहको परिसूचक क्रमशः १.०१ प्रतिशत र ०.५६ प्रतिशत बढेको छ। कारोबारमा आएको होटल तथा पर्यटन, निर्जीवन बीमा र लघुवित्त उपसमूहको परिसूचक यस दिन २ प्रतिशतभन्दा बढी घटेको छ।

पछिल्लो केही दिनहरुदेखि कारोबार रकमका आधारमा शीर्ष स्थानमा रहेको अरुण भ्याली हाइड्रोपावरलाई यस दिन युनाइटेड मोदी हाइड्रोपावरले उछिनेको छ। यस दिन युनाइटेड मोदीको ६१ करोड ९२ लाख रुपैयाँको शेयर खरिदबिक्री हुँदा अरुण भ्यालीको ३८ करोड ४२ लाखको शेयर कारोबार भएको छ।

मंगलबार होटेल तथा पर्यटन, ननलाइफ इन्स्योरेन्स र माइक्रोफाइनान्सका लगानीकर्ताले सबैभन्दा बढी गुमाए । म्यूचअल फण्ड र अन्य समुहबाट मंगलबार सबै उपसमूह राताम्मे रहे । यस दिन सानिमा लाइफ इन्स्योरेन्सको पोटेटिभ सर्किट लेवलमा कारोबार भयो । यो कम्पनीको शेयर मूल्य १० प्रतिशतले बढेको छ।

युनाइटेड मोदी हाइड्रोपावर, हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी, युनिलिभर नेपाल लिमिटेड, महालक्ष्मी स्मार्ट लघुवित्तसहितका कम्पनीका लगानीकताले बढी कमाए। धेरै गुमाउने कम्पनीका लगानीकर्तामा आरएमडीसी लघुवित्त, रुरु जलविद्युत, प्रोग्रेसिभ फाइनान्स, फस्र्ट माइक्रोफाइनान्सजस्ता कम्पनी रहे।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र २२, १७: १९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र २२, १७: १९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र २२, १७: १९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...