
काठमाडौं । सरकारले पूर्ववर्ती केपी शर्मा ओली नेतृत्वको सरकारले अध्यादेशमार्फत ल्याएको बजेटलाई प्रतिष्थापन गर्ने विधेयक आज सदनमा पेश गरेको छ।
अर्थमन्त्री जनार्दन शर्माले प्रतिनिधिसभा सञ्चालन नियमावली २०७५को नियम १४९को उपनियम १ र ५ बमोजिम पूर्ववर्ती ओली सरकारले अध्यादेशमार्फत ल्याएको आर्थिक, बिनियोजन र राष्ट्रऋण उठाउने अध्यादेशलाई प्रतिष्थापन गरी ल्याएको बिनियोजन विधेयक २०७८ शुक्रबारको प्रतिनिधिसभाको बैठकमा पेश गरेका हुन्।
प्रमुख प्रतिपक्षी दल नेकपा एमालेका सांसदहरुले नाराबाजी गर्दै रोष्टम घेरे पनि अर्थमन्त्री शर्माले विधेयक प्रस्तुत गरेका हुन्। शर्माले पेश गरेको विधेयकमा आन्तरिक र बैदेशीक स्रोतबाट प्राप्त सहयोगबाट इन्धन मर्मत, सीप विकास,तालिम, बैठक भत्ता, तालिम भत्ता, भ्रमण र विविध खर्चमा न्युनतम १० प्रतिशतले बजेट कटौति गरेको बताए।
अर्थमन्त्री शर्माले १० प्रतिशतले ति शीर्षकमा कटौति गर्दा बचत हुन आउने ५ अर्ब रुपैयाँ कोभिड १९ बिरुद्धको खोप खरिदमा खर्च गरिने बताए। विधेयकमा चैत मसान्त भित्रमा मेलम्चीको खानेपानी उपत्यकामा वितरण गर्ने गरी क्षति भएको मेलम्चीको मर्मतसम्भार गरिने जनाइको छ।
अर्थमन्त्रीले प्रतिष्थापन गरिएको बजेटमा मिर्गौला रोगीको उपचारको लागि मासिक ५ हजार रुपैयाँ उपलब्ध गराउने, काठमाडौंको १० स्थानमा सुलभ र सस्तो खानको व्यवस्था गर्ने, नारायणहिटी संग्राहलयलाई रामापिथेकसदेखिका शासकहरुको यथार्थ झल्कने गरी एकीकृत शासकिय संग्राहलयको लागि बजेट निर्धारण गरिएको छ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...