अष्टलक्ष्मीलाई ओलीको प्रश्न–माधव कामरेड किन चाहियो? फेरि पार्टी फुटाउन? – Naya Bikalpa
November 21, 2026, Saturday      Epaper

अष्टलक्ष्मीलाई ओलीको प्रश्न–माधव कामरेड किन चाहियो? फेरि पार्टी फुटाउन?

फाइल फाेटाे


काठमाडौं ।
नेकपा एमालेका अध्यक्ष केपी शर्मा ओलीले पार्टीका केही नेताले नेकपा एकीकृत समाजबादीको नेतृत्व गरिरहेका माधवकुमार नेपाललाई फर्कन आग्रह गरेको भनाईप्रति गम्भीर आपत्ति र असहमति जनाएका छन्।


नेकपा एमालेको काठमाडौं जिल्ला कमिटीले बिहीबार प्रज्ञा प्रतिष्ठानमा आयोजना गरेको भेलामा ‘कामरेड माधवको आवश्यकता पार्टी फेरि फुटाउन हो?’ भनी प्रश्न गरेका हुन्।


एमालेमा नेपालको आवश्यकता छ भनेर केही नेताले भनेको कुरा आफूले नबुझेको ओलीले बताए। उनले भने, ‘केही साथीहरु अहिले पनि भन्नुहुन्छ। माधव कामरेड आउनुुस्, तपाईँको आवश्यकता छ भनेर। फुटाउनलाई आवश्यकता छ उहाँको यहाँ? फेरि पार्टी फुटाउने? के गर्न आवश्यकता छ माधव कामरेडको म बुझदिन।’

प्रज्ञा प्रतिष्ठानमा आयोजित सोही कार्यक्रममा ओलीले बोल्नु अघि एमाले उपाध्यक्ष तथा वाग्मती प्रदेशकी मुख्यमन्त्री अष्टलक्ष्मी शाक्यले सृदृढ एमालेका लागि नेपालको आवश्यकता रहेको भन्दै एमालेमा फर्कन आग्रह गरेकी थिइन्। ओलीले शाक्यको जवाफ दिदै यस्तो बताएका हुन्।


ओलीले आजैको कार्यक्रममा कसैले बोलेको भए त्यसको जवाफ नदिएको भन्दै व्यंग्य पनि गरे। कहिलेकाहीँ नेताहरुले नेपालको आवश्यकता छ भन्ने गरेकाले आफूले त्यसको जवाफ दिएको बताए। उनले लामो समय सँगै काम गरेर लोभ लाग्ने भए त्यसलाई बिर्सनु पर्ने बताए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र ३१, १६: ५९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र ३१, १६: ५९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र ३१, १६: ५९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...