मिनभवनमा नेकपा (एस)को केन्द्रीय कार्यालय उद्घाटन गरे माधव नेपालले (भिडियाे)

काठमाडौं । नेकपा एमालेबाट अलग भइ पार्टी बरिष्ठ नेता तथा पूर्वप्रधानमन्त्री माधवकुमार नेपालको नेतृत्वमा गठित नेपाल कम्युनिष्ट पार्टी (एकीकृत समाजबादी)को केन्द्रीय कार्यालय शुक्रबारदेखि मिनभवनमा संचालन हुन थालेको छ।

मासिक तीन लाख २५ हजार रुपैयाँ भाडा तिर्ने गरी पुजा थापा बस्नेतको चार तले घर भाडामा लिइएको छ। सो कार्यालय भवनको पार्टीका अध्यक्ष नेपालले शुक्रबार बिहान उद्घाटन गरेको हुन्। गत भदौ १ गते एमालेबाट अलग भई नेपाल लगायतका नेताहरुले निर्वाचन आयोगमा नेकपा (एस) गठनको लागि निवेदन दिएका थिए।

निर्वाचन आयोगले गत भदौ ९ गते नेकपा एसलाई विधिवत दर्ता गरेपछि नयाँ पार्टीको केन्द्रीय कार्यालय संचालन गर्न थालिएको हो। पार्टी कार्यालय भवनबाटै पार्टीले चाँडै मुखपत्र, बुलेटिन र डिजिटल मिडिया र सामाजिक सञ्जाल प्रकाशन गर्ने नेकपा एसका प्रचार विभाग प्रमुख जगन्नाथ खतिवडाले बताए। केन्द्रीय कार्यालयमा भूइँ तलासहितका १५ वटा कोठाहरु छन्।

हेर्नुस तस्वीरहरु –

भिडियाे…