
काठमाडौं । दुई सातासम्म ओरालो लय पक्रिएको शेयर बजारको परिसूचन बुधबार ५० अंकले बढेको छ। नेपाल स्टक एक्सचेन्जका अनुसार आज परिसूचक ५०.५८ अंकले बढेर २६ सय ६५.९३को विन्दुमा पुगेको हो।
मंगलबार परिसूचक ७०.०१ अंकले घटेर २६ सय १५.४०को विन्दुमा झरेको थियो । आज सबैजसो उपसमूहको शेयरमा हरियाली छाएको छ। बुधबार सबैभन्दा बढी फाइनान्स समूहको उपसूचक अधिकतम ४.८७ प्रतिशतले वृद्धि भएको छ। मंगलबार सोही समूह उपसूचक सबैभन्दा बढी ७.३७ प्रतिशतले ओरालो लागेको थियो।
बुधबार हाइड्रोपावर समूह ४.२२ प्रतिशतले, विकास बैंक समुह ३.१८ प्रतिशतले र इन्भेष्टमेन्ट समूहको २.३२ प्रतिशतले वृद्धि भएको छ। यस दिन सबैभन्दा बढी कमाउनेमा ग्रीन डेभलपमेन्ट बैंक लिमिटेड र अपीपावर कम्पनीका लगानीकर्ताहरु रहेका छन्। दुबै कम्पनीको शेयर मुल्य १० प्रतिशतले बृद्धि भएको थियो।
सबैभन्दा बढी गुमाउनेमा मेगा बैंक लिमिटेडका लगानीकर्ता रहेका छन। मेगा बैंकका सेयरधनीहरूले आज ३.९२ प्रतिशतले गुमाएका छन्। आज कारोबार रकम भने ५ अर्बमा सीमित भएको छ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...