
काठमाडौं। जनता समाजबादी पार्टीबाट अलग भइ गत भदौ ९ गते निर्वाचन आयोगमा दर्ता भएको महन्थ ठाकुर नेतृत्वको लोकतान्त्रिक समाजवादी पार्टी (लोसपा)का केन्द्रीय कार्यकारणी समितिका सदस्य राजकुमार लेखीले पार्टीबाट राजीनामा दिएका छन्।
लोसपाका अध्यक्ष महन्थ ठाकुरसमक्ष बिहीबार बिहान लेखीले पद त्याग गरेको घोषणसहितको पत्र बुझाएका हुन्। नेता लेखीले नयाँ राजनीतिक यात्राको थालनी गर्न लोसपाको कार्यकारणी समितिको सदस्यबाट राजीनामा दिएको बताएका छन्।
पार्टीको सबै पदबाट राजिनामा दिएका लेखि २०६३मा तत्कालिन नेकपा एमाले परित्याग गरी नवसमाजबादी पार्टी खोलेका थिए। पछि राजेन्द्र महतो नेतृत्वको सद्भावना पार्टी नेपालसँग एकिकरण भएसँगै उनी सो पार्टीको उपाध्यक्ष भएका थिए। लेखि आदिबासी जनजाति महासंघका पूर्व केन्द्रीय अध्यक्ष समेत हुन्।
नयाँ पार्टी भन्ने र पुराना पार्टीको आलोचना मात्रै गर्ने परम्परा हाबी भएको भन्दै उनले यसरी हुँदैन, वैकल्पिक शक्ति बनाउनुपर्छ भन्दै आएको र वैकल्पिक शक्ति बनाउने प्रयास असफल भएपछि आफूले लोसपा छाडेको बताएका छन्।
नयाँ पार्टीहरु पुराना पार्टीभन्दा गएगुज्रिएको बनेको भन्दै अब नेपाली कांग्रेस, नेकपा माओवादी केन्द्र र नेकपा एमालेमध्ये कुनै एक पार्टीको राजीनतिमा संलग्न हुने उनले बताएका छन्। लेखी एमाले प्रवेश गरी सप्तरी क्षेत्र नं १ बाट राजनीतिक गर्ने योजनामा रहेका् स्रोतले बतायो।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...