- अनामनगर काठमाडौँ
- infobikalpa21@gmail.com
काठमाडौं । किशोर सुब्बाद्वारा निर्देशित लिम्बु भाषाको कथानक चलचित्र ‘थेत्लङ्’ को विशेष प्रदर्शनको मिति केही पछि सरेको छ। आगामी अक्टोवर २ अर्थात असोज १६ गते शनिबार ज्वाक्सन हाइट न्यूयोर्कमा हुने भनिएको सो चलचित्रको प्रदर्शनी आगामी १४ नोभेम्बर अर्थात कात्तिक २८ गते दिनको ४ः३० बजे ग्यालजुङ्ग हलमा हुने भएको हो।
किराँत याक्थुङ चुम्लुङ् अमेरिकाको विशेष सहयोगमा र दिपक थेवेको संयोजकत्वमा ज्याक्सन हाईट न्यूयोर्क स्थित सत्यनारायण हलमा प्रदर्शन गरिने भनिएको सो प्रदर्शन स्थगित भएको हो।
सो चलचित्र हेर्नको लागि टिकट समेत विक्री, वितरण गरिसकेको भएपनि नेपालीहरुको महान चाड विजया दशमी र तिहारको तयारीसंगै सबैजना व्यस्त हुने र दशै, तिहार मनाउन अधिकाँश नेपाल जाने लगायतका विभिन्न कार्यक्रम हुने भएकोले हाललाई विशेष प्रदर्शन रोक्नु परेको निर्देशक सुब्बाले जानकारी गराए।
उनकाअनुसार तिहार सक्किए लगत्तै चलचित्र प्रदर्शन हुने र दशंै, तिहार भरी चलचित्रको प्रचार, प्रसार र टिकटहरु धेरै भन्दा धेरै दर्शक माझ पुराउने र प्रयाप्त मात्रामा दर्शक शुभचिन्तकहरुको सहभागिता गराउने उदेश्य आयोजक पक्षले लिएको जनाइएको छ।
चलचित्रमा बिशाल सेनेहांड्, दिव्या लिम्बु, संगीता सम्बाहाम्फे, सोनु ताम्लिंड्, शान्ति लिम्बु, शर्मिला यक्सो, हस्त लिबांड्, सागर केरुंड्, सुखविर लिम्बु लगायतका कलाकारले अभिनय गरेका छन् भने निर्मातामा मनि ताम्लिंड् र बिराज लिम्बु रहेका छन्।
ओपेरा क्रियशन्स प्रोडक्सनको ब्यानरमा निर्मित चलचित्र ‘थेत्लंड्’ सिक्किमको बिभिन्न रमणीय स्थानमा छायाङ्कन गरिएको छ। चलचित्रमा नृत्य दिनेश लिम्बु, संगीत कुल्बा सुब्बा, राजु, पबिन र मोनिको छ भने छायाङ्कन हेमन्त योञ्जन, सम्पादन सुमन, कथा देउमान होन्दोक लिम्बु र पटकथा, सम्वाद सागर केरुङको रहेको छ।
काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...
काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...
काठमाडौं : सत्तारुढ दल राष्ट्रिय स्वतन्त्र पार्टी (रास्वपा) का २० सदस्यीय उच्चस्तरीय प्रतिनिधिमण्डल चीन भ्रमणमा गएको छ । पार्टी महामन्त्री...
