एनआरएनका उपाध्यक्ष केसीद्वारा अध्यक्षमा उम्मेदवारी दिने घोषणा – Naya Bikalpa
November 21, 2026, Saturday      Epaper

एनआरएनका उपाध्यक्ष केसीद्वारा अध्यक्षमा उम्मेदवारी दिने घोषणा


काठमाडौं । गैरआवासीय नेपाली संघ (एनआरएनए) का उपाध्यक्ष डा बद्री केसीले संघको आगामी नेतृत्वको लागि उम्मेदवारी दिने औपचारिक घोषणा गरेका छन्।


संघको १०औं महाधिवेशन तथा विश्वसम्मेलनमार्फत नेतृत्वका लागि प्रतिष्पर्धा गर्ने मंगलबार राजधानीमा पत्रकार सम्मेलन आयोजना गरेर घोषणा गरेका हुन्। ‘समृद्धि र रुपान्तरण, हाम्रो साझा अभियान’ भन्ने नारासहित केसीले उम्मेद्वारीको घोषणा गरेका हुन्।


पत्रकार सम्मेलनमा संघको आगामी दुई वर्षे कार्यकालका लागि आफ्ना प्रतिबद्धताहरु सार्वजनिक गर्दै केसीले गैरआवासीयलाई नागरिकता दिलाउने, बैदेशिक रोजगारीमा भएका समस्या समाधान गर्ने, बौद्विक वर्ग र युवालाई एनआरएनएमा आबद्ध गराउने, गैरआवसीय नेपालीको लगानी नेपाल भित्र्याउने जनाएका छन्।


श्रमिकको पैसाले श्रमिककै लागि श्रम बैंक खोल्ने, नेपाली भाषा, साहित्य र कलाको बेलीविस्तार गर्ने, एनआरएनए फाउन्डेसनको संरचना नेपालका सातै प्रदेशमा विस्तार गर्ने, एनआरएनए र नेपाल सरकारबीच सम्बन्ध थप प्रगाढ बनाउन आफूले अध्यक्षमा उम्मेद्वार दिएको केसीले बताए।


यसअघि नै संघको १०औं महाधिवेशमार्फत नयाँ नेतृत्वको लागि अमेरिकाकी रविना थापा र बेलायतका कुल आचार्यले उम्मेद्वारी दिने औपचारिक घोषणा गरिसकेका छन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ आश्विन १९, १६: ४८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ आश्विन १९, १६: ४८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ आश्विन १९, १६: ४८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...