लक्की शेर्पा टिक्न सकिनन्, दिइन् राजीनामा

नयाँ विकल्प
प्रकाशित मिती: २०७५ माघ २१, ०८: ५१

काठमाडौं । विवादस्पद छवि भएकी र विबादस्पद तथा गैरकानुनी काममा लागेपछि अष्ट्रेलियाका लागि नेपाली राजदूत लक्की शेर्पाले राजीनामा दिएकी छन् । आफूमाथि लागेको गम्भीर आरोपहरु झुटो भएको दाबी गरेपनि परराष्ट्र मन्त्रालयले छानबिन गरेपछि उनी दोषी भेटिएकी थिइन । उनले नैतिकताका आधारमा राजीनामा दिएको बताएकी छन् ।

मानव तस्करीको गम्भीर आरोप लागेपछि सरकारले राजदूत शेर्पालाई राजीनामा दिन सुझाव दिएको थियो । त्यसपछि अष्ट्रेलिया पुगेर बन्दोबस्तीमा सामान लिएर आएकी उनले परराष्ट्र मन्त्रालयमा राजीनामा बुझाएकी हुन ।

आफ्नै गाडीचालकले वाङ्छु शेर्पाले मानव बेचबिखनको आरोप लगाएपछि राजदूत शेर्पा विवादमा परेकी थिइन । त्यसपछि सरकारले उनलाई काठमाडौं बोलाएर स्पष्टीकरण सोधेको थियो । शेर्पाले घटनाको वास्तविकता र यथार्थलाई थाती राखेर एकाध मिडियाको पछाडि लागेर आफ्नो देशको डिप्लोम्याटलाई मानमर्दन गर्ने परम्पराको थालनी हुनु दुखद भएको दाबी पनि गरेकीछन् ।

शरणार्थी माध्यमबाट पीआर पाउने कुचेष्टाले शेर्पालाई प्रयोग गरिएको उनको दाबी छ । आफू मानव तस्करीविरुद्ध लड्दै आएको स्मरण गराउँदै उनले आफ्नो जीवन खुला किताब जस्तै भएको र सर्बस्व भनेकै इमान्दारिता रहेको दाबी गरेकी छन् । उनले अष्ट्रेलियन सरकारसमक्ष पेश गरेको र आरोप झुठा साबित गर्दै ससम्मान कूटनीतिक रुपमा काम गर्ने हौसला प्रदान गरेको दाबी गरिन ।