काठमाडौं । काठमाडौंमा आयोजित एक कार्यक्रमका बीच पूर्व प्रधानमन्त्री तथा नेपाली काङ्ग्रेसका नेता स्व. गिरिजा प्रसाद कोइरालाको नाममा स्थापित ‘जी. पी. कोइराला फाउण्डेशन, डेमोक्र्यासी, पीस एण्ड डिभेपलमेण्ट’ को काठमाडौं जिल्ला समितिलाई पूर्णता दिइएको छ ।
स्व. कोइरालाले नेपालमा प्रजातन्त्र स्थापना, दिगो शान्ति पुनर्वहाली एवं आर्थिक समृद्धि ल्याउन पु¥याउनु भएको योगदानका बारेमा समाजको तल्लो तहसम्म विचार प्रवाह गर्ने, आर्थिक सामाजिक समुन्नतिका कार्यक्रममार्फत जनसेवा गर्ने तथा विभिन्न खालका सचेतनामूलक कार्यक्रम सञ्चालन गरी जनतालाई सुसुचित गर्ने मुख्य उद्देश्य बोकी स्थापित फाउण्डेशनले देशका सबै जिल्लाहरुमा समिति गठन गर्ने क्रममा काठमाडौंमा पनि सो समिति गठन गरेको हो ।
अर्जुन पराजुलीको संयोजकत्वमा गठित जिल्ला समितिमा ः संयोजक–अर्जुन पराजुली, सह–संयोजक–गङ्गाधर गौतम, सचिव–परशुराम अर्याल, कोषाध्यक्ष नर्वदा पोखरेल, सह–सचिव–राम पौडेल, त्यसैगरी सदस्यहरुमाः केदारनाथ तिमिल्सिना, नरेन्द्र वहादुर अधिकारी (दिलिप), माधवराज लामिछाने, गायत्री पुडासैनी, बिमल भित्रकोटी, योगेश खड्गी, लक्ष्मीराम शर्मा, राजेश तण्डुकार रहेका छन् ।
समिति गठनसँगै फाउण्डेशनले काठमाडौं जिल्लाका दश वटै निर्वाचन क्षेत्रमा आफ्नो क्षेत्रीय समिति समेत गठन गर्ने निर्णय गरेको छ । बैठकले विनोद सिलवाललाई क्षेत्र नं. २ को संयोजकको जिम्मेवारी प्रदान गरेको छ । यसैगरी बैठकले सह–सचिव श्रीराम पौडेललाई जिल्ला समितिको प्रवक्ता समेत तोकिएको छ । बैठकमा संविधानसभाका पूर्व सदस्य दिपक प्रसाद कुईंकेल लगायत समाजका अन्य प्रतिष्ठित व्यक्तित्वहरुको उपस्थिति रहेको थियो ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...