पूर्वगृहमन्त्री खाँण र स्वकिय सचिव केसी नक्कली भुटानी शरणार्थी ठगी प्रकरणमा पक्राउ – Naya Bikalpa
November 21, 2026, Saturday      Epaper

पूर्वगृहमन्त्री खाँण र स्वकिय सचिव केसी नक्कली भुटानी शरणार्थी ठगी प्रकरणमा पक्राउ

काठमाडौं । काठमाडौं । नेपाली कांग्रेसका नेता एवम् पूर्वगृहमन्त्री बालकृष्ण खाँण आज पक्राउ परेका छन् । नक्कली भुटानी शरणार्थी प्रकरणमा मुछिएका खाँणलाई प्रहरीले बुधबार बिहान उनकै निवास मैजुवहालबाट पक्राउ गरेको हो।

पूर्वगृहमन्त्री बालकृष्ण खाँणका स्वकीय सचिव नरेन्द्र केसीलाई भने उनको निवास जडिबुटीबाट पक्राउ गरिएको प्रहरीले जनाएको छ। पूर्वगृहमन्त्री खाँण र उनका स्वकिय सचिव केसीलाई पक्राउ गरी जिल्ला प्रहरी परिसर टेकुमा राखिएको छ। उनीहरूलाई यसअघि अपराध महाशाखा बानेश्वर लगिएको थियो।

प्रहरीले दुई दिनअघि खाँणसँग प्रारम्भिक बयान लिएर कागज गरी छाडेको थियो। नक्कली भुटानी शरणार्थी प्रकरणमा पूर्वगृहमन्त्री रामबहादुर थापाका सुरक्षा सल्लाहकार इन्द्र जीत राई, एमालेका सचिव तथा सांसद टोपबहादुर रायमाझीका छोरा सन्दीपलगायतका पक्राउ परिसकेका छन्।

सांसद टोपबहादुर रायामाझीलाई भने प्रहरीले अझै फेला पारेको छैन्। प्रहरीले देशभरका सबै युनिटलाई फरार रायामाझीको खोजि गर्न यसअघि नै पत्राचार गरिसकेको छ।

पूर्वगृहमन्त्री तथा कांग्रेसका प्रभावशाली नेता खाँणले २०७८ साल असोज १४ गतेको सचिवस्तरिय निर्णयबाट गठितलाई गृहमन्त्रीको हैसियतले २०७९ साल जेठ २७ गते निर्णय गर्दै भदौ मसान्तसम्म सो समितिको म्याद थपेका थिए ।

भुटानी शरणार्थीको प्रमाणीकरण छुट सन्दर्भमा गठित समितिले प्रतिबेदन बुझाई सकेको अवस्थामा तत्कालिन गृह मन्त्रालयका सहसचिव वालकृष्ण पन्थीको संयोजकत्वमा गठित समितिलाई ठोस राय सुझाव दिने जिम्मेवारी सुम्पने निर्णय गरी खाँणले जिल्ला प्रशासन कार्यालय झापा र मोरङ्लाई पत्राचार समेत गर्न लगाएका थिए।

नेपाली कांग्रेसका प्रभावशाली नेता, कांग्रेसको भ्रातृ संस्था नेपाल तरुण दल र नेपाल विद्यार्थी संघको पूर्वअध्यक्ष समेत रहेका खाँणलाई अकुत सम्पति आर्जन गरेको आरोप समेत लाग्ने गरेको छ।

उनकी श्रीमती तथा सांसद मञ्जु खाँणमाथि शरणार्थी ठगी प्रकरणमा प्रहरीले पुर्पपक्षका लागि थुनामा राखिएकाहरुले ६ करोड बढी रकम बुझाएको अडियो रेकर्ड सार्वजनिक भइसकेको छ ।

 

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८० बैशाख २७, १२: ०७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८० बैशाख २७, १२: ०७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८० बैशाख २७, १२: ०७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...