काठमाडौं । इजरायलमा रहेका नेपालीको उद्धार गर्ने कार्यमा ढिलाइ भएको छ । चार्टर फ्लाइटको रुट नपाइएपछि ढिलाई भएको परराष्ट्रमन्त्रालयले जनाएको छ ।
हमासको आक्रमणपछि इजरायलमा रहेका नेपालीले जतिसक्दो चाँडो उद्धार गरिदिन अनुरोध गरेका छन् । नेपालले जहाज तयारी अवस्थामा राखेपनि हवाई रुट नपाइएका कारण जहाज पठाउन नसकिएको सरकारले जनाएको छ ।
इजरायलका विदेशमन्त्री एली कोहेनलाई मंगलबार टेलिफोन गरेर त्यहाँ रहेका नेपालीलाई फर्काउने र मृतकको शव ल्याउने प्रक्रियामा सहजीकरण गरिदिन परराष्ट्रमन्त्री एनपी साउदले आग्रह गरे । रुट खुल्नेबित्तिकै उद्धाररका लागि जहाज पठाइने परराष्ट्र मन्त्रालयका प्रवक्ता सेवा लम्सालले बताइन् ।
अहिले संवेदनशील क्षेत्रबाट नेपालीहरू सुरक्षित स्थानमा सारिएको परराष्ट्र प्रवक्ता लम्सालले बताइन्। इजरायलस्थित नेपाली दूतावासले पनि हवाईसेवा नै अवरुद्ध भएकाले नेपालबाट विमान ल्याएर उद्धारर गर्ने सम्भावना तत्काल नरहेको बताएको छ ।
सरकारले नेपाल एयरलाइन्स र हिमालय एयरलाइन्सका विमान पठाएर आफ्ना नागरिकको उद्धार गर्ने तयारी गरेको छ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...