- अनामनगर काठमाडौँ
- infobikalpa21@gmail.com
काठमाडौ । नेपाली कांग्रेस प्रदेश नं ५ संसदीय दलका नेता वलदेव शर्मा पोखरेलको गत साता माघ ६ गते रुपन्देहीको तिलोत्तमा नगरपालिका वडा नं १४, खैरियास्थित निवासमा निधन भएको थियो ।
विगत एक वर्षदेखि क्यान्सर रोगबाट पीडित पोखरेलको १९९४ साल माघ १९ गते प्यूठान जिल्लाको तुसारा गाविस हालको झिमरुक गाउँपालिकामा जन्म भएको थियो ।
२०१३ सालमा नेपाल छात्र संघबाट जयन्तु संस्कृतम नारा सहित राजनीति प्रारम्भ गरेका स्वर्गीय पोखरेल कांग्रेसको पूर्वमहाधिवेशन प्रतिनिधि, पूर्वमहासमिति सदस्य तथा २०२६ देखि २०३७ सम्म नेपाली कांग्रेस जिल्ला कार्यसमिति रुपन्देहीको सचिव समेत भएका थिए ।
नेपालमा प्रजातन्त्र स्थापनाका क्रममा उहाँले जेल जीवन समेत व्यतित गरेका पोखरेल २०७४ सालको आम निर्वाचनमा प्रदेश नं ५ मा समानुपातिक निर्वाचन प्रणाली अन्तर्गत नेपाली कांग्रेसको तर्फबाट सांसद पदमा निर्वाचित भएका थिए । पोखरेलले ज्येष्ठ सदस्यका हैसियतले प्रदेश नं. ५ को सभामुखको जिम्मेवारी समेत सम्हालेका थिए ।
नेपाली कांग्रेसका सभापति शेरबहादुर देउवाले वलदेव शर्मा पोखरेलको निधनप्रति गहिरो दुःख व्यक्त गर्दै पोखरेलको निधनको खबरले आफूलाई स्तब्ध र दुःखीत बनाएको बताएका छन् । पोखरेलले नेपाली कांग्रेसको संगठन विस्तार र नेपालको लोकतान्त्रिक आन्दोलनहरुमा सक्रिय भूमिका निर्वाह गरेको र उनको निधनबाट पार्र्टीले एक कुशल नेतृत्व एवम् संगठनकर्तालाई गुमाएको वताएका छन् ।
काठमाडौं : सर्वोच्च अदालतले सरकारी विज्ञापन सरकारी सञ्चारमाध्यममार्फत मात्रै प्रकाशन तथा प्रसारण गर्ने सरकारको निर्णय खारेज गरेको छ । मंगलबार न्यायाधीशद्वय...
काठमाडौँ : सर्वोच्च अदालतमा सम्पत्ति जाँचबुझ आयोगका पदाधिकारीहरूविरुद्ध अदालतको अवहेलना गरेको दाबी गर्दै निवेदन परेको छ । अदालतले दिएको अन्तरिम...
काठमाडौँ : प्रतिनिधि सभाका सदस्य अमरेशकुमार सिंहले मुलुकको समग्र अवस्थाप्रति चिन्ता व्यक्त गर्दै प्रमुख राजनीतिक दलहरू राष्ट्रिय हितका विषयमा साझा...
