- अनामनगर काठमाडौँ
- infobikalpa21@gmail.com
काठमाडौं । नेपाल कानून व्यवसायी परिषद पार्षदको निर्वाचन शनिबार सातै प्रदेशमा सम्पन्न भएको छ । माघ २५ गते शनिवार भएको नेपाल कानुन ब्यबसायी परिषदको नर्वाचनमा लोकतन्त्रबादी समुह र प्रगतिशिल समूहले समान सिटमा विजय हासिल गरेका छन् ।
लोकतान्त्रिक समूहले प्रदेश न २ बाट अधिवक्ता श्यामकुमार मिश्रलाई, गण्डकी प्रदेशबाट अधिवक्ता मुकुन्दराज अर्याललाई र प्रदेश न ५बाट अधिवक्ता बाबुराम पान्डेलाई निर्वाचित गर्न सफल भएको छ । डेमोक्रेटिक लयर्स एसोसिएनले सातै प्रदेशबाट उम्मेदावर उठाएको थियो । एसोसिएसनलाई प्रमुख प्रतिपक्षी नेपाली कांग्रेसको शुभेच्छुक संस्था मानिन्छ ।
उता सत्तारुढ नेकपा निकटको प्रगतिशिल समूहले भने चार प्रदेशमा आफ्ना उम्मेदवारलाई विजयी गराउन सफल भएको छ । नेपाल कानून व्यवसायी संगठनबाट प्रदेश न १ मा अधिवक्ता प्रेमप्रसाद पोखरेल, बागमती प्रदेशबाट वरिष्ठअधिवक्ता डा. चन्द्रकान्त ज्ञवाली, कर्णाली प्रदेशबाट अधिवक्ता रामबाबु वि.सि. र सुदूरपश्चिम प्रदेशबाट अधिवक्ता प्रकाशबहादुर पाण्डेय निर्वाचित भएका छन् ।
परिषदको बाग्मती प्रदेश पार्षद पदमा बृहतलोकतान्त्रिक कानून व्यवसायी समूहबाट वरिष्ठ अधिवक्ता तथा प्राध्यापक गुणनिधि न्यौपानेले उम्मेदवारी दिए पनि उनी ज्ञवलीसँग पराजित भएका हुन् । २०५६ मै नेपालप्राध्यापक संघका महासचिवको जिम्मेवारी पूरा गरेका न्यौपानेले प्रजातन्त्रवादी प्राध्यापक संघका अध्यक्ष भएर काम गरी सकेका थिए । परिषद्मा उनले जित्ने आंकलन गरिएको थियो । त्रिभुवन विश्वविद्यालयको रेक्टरको पदावधि सकिएपछि उनी अध्यापनमै फर्किएका थिए ।
काठमाडौं : नेपाली कांग्रेसका सभापति गगनकुमार थापाले पार्टीभन्दा माथि कोही पनि व्यक्ति हुन नसक्ने स्पष्ट पार्दै नेतृत्व सम्हाल्ने क्रममा आफू...
काठमाडौं : नेपाली कांग्रेसको १५औं महाधिवेशनको मतगणना सकिएको छ । १८ असोजबाट काठमाडौंमा सुरु भएको महाधिवेशनअन्तर्गत २३ गते रातिबाट मतगणना...
काठमाडौं : देशका केही हिमाली तथा पहाडी क्षेत्रमा आज मेघगर्जन र चट्याङसहित हल्का वर्षा तथा हिमपातको सम्भावना रहेको छ ।...
