
काठमाडौँ । नागरिक उन्मुक्ति पार्टीका निवर्तमान अध्यक्ष रञ्जिता श्रेष्ठ चौधरी पार्टीको महाधिवेशनले चयन गरेको कार्यसमितिप्रति रुष्ट भएकी छन् ।
पत्नीको असन्तुष्टि मात्र नभएर भविष्यमा आउनसक्ने कानुनी जटिलतालाई समेत ध्यानमा राखेर रेशमले पार्टीको विधान संशोधन गर्न लागेको एक नेताले बताए ।
महाधिवेशनले आफ्नो बारेमा कुनै निर्णय नगरेपछि रञ्जिताले असन्तुष्ट भएर महाधिवेशनस्थल छाडेकी बताइन्छ । स्रोतका अनुसार अध्यक्षमा दोहोरिने चाहना रञ्जिताले राखेकी थिइन् तर रेशम चौधरी आफैँ अध्यक्ष भएपछि रञ्जिताको हैसियत पार्टीमा के हुने भन्ने स्पष्ट भइसकेको छैन । त्यसैले असन्तुष्टि स्वरुप महाधिवेशनस्थल छाडेर हिँडेकी रञ्जिता अझै फर्केकी छैनन् ।
सुदूरपश्चिम प्रदेशका प्रदेशसभा सदस्य लक्ष्मणकिशोर चौधरीले भने, ‘रञ्जिताजी सल्लाहमै हो या आफैँ निस्केर जानु भयो भन्ने थाह भएन तर आज महाधिवेशनस्थलमा देखिनुभएको छैन ।’
सांसद चौधरीका अनुसार रञ्जिताको चाहना पनि अध्यक्ष बन्ने नै हुन सक्छ । तर रेशम चौधरी अध्यक्ष भएपछि रञ्जिताको पोजिसन के हुने भन्ने अझै स्पष्ट नभएको उनले बताए ।
रञ्जितालाई सहअध्यक्षमा राख्ने हो कि भन्नेबारे कुराकानी चलिरहेको तर उनी त्यसका लागि तयार छन् कि छैनन् भन्ने नखुलेको प्रदेशसभा सदस्य चौधरीको भनाइ छ ।
रेशम चौधरीले महाधिवेशनभन्दा पहिले रञ्जितालाई अध्यक्षमै निरन्तरता दिने जनाएका थिए । तर महाधिवेशनमा रेशमले अचानक उम्मेदवारी दिएका कारण रञ्जिताको चित्त दुखेको नागरिक उन्मुक्ति पार्टीका एक नेताले बताए ।
रञ्जिताको चाहना आफू अध्यक्ष रहने र रेशम चौधरीलाई अभिभावकको कुनै भूमिका दिएर राख्ने थियो तर रेशम चौधरीले आफैँ अध्यक्ष बन्ने योजना अघि सारेपछि रञ्जिताको चित्त दुखेको हुनसक्ने स्रोतले बतायो । ‘महाधिवेशनले नै रञ्जिताको पदको व्यवस्थापन गर्नुपर्छ नत्र असन्तुष्टि बढ्दै गएपछि समस्या खडा हुन्छ,’ स्रोतको भनाइ छ ।
यस विषयमा जान्नका लागि रञ्जिता श्रेष्ठसँग सम्पर्क गर्दा उनले फोन उठाइनन् । २१ जना संस्थापकमध्ये पाँच जना मात्र नयाँ कार्यसमितिमा समेटिएका छन् । १६ जना संस्थापक अझै बाहिर रहेकाले तिनलाई कसरी व्यवस्थापन गर्ने भन्नेबारे छलफल भइरहेको जनाइएको छ ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...