आगामी वैशाखमा उपनिर्वाचन गर्ने तयारीमा निर्वाचन आयोग – Naya Bikalpa
November 20, 2026, Friday      Epaper

आगामी वैशाखमा उपनिर्वाचन गर्ने तयारीमा निर्वाचन आयोग

काठमाडौं । भर्खरै राष्ट्रिय सभाको निर्वाचन सम्पन्न गरेको निर्वाचन आयोग अब भने उप निर्वाचनको तयारीमा जुटेको छ । स्थानीय तह, प्रदेश सभा र प्रतिनिधि सभामा रिक्त रहेका पदको उपनिर्वाचनलागि आयोगले छलफलको तयारी गरेको हो ।

उपनिर्वाचनको मिति घोषणाका लागि आयोगले सरकारसँग परामर्श गर्ने तयारी गरेको जनाएको छ । आयोगले आगामी वैशाखमा उपनिर्वाचन गर्ने गरी सरकारसँग निर्वाचनको मिति घोषणाबारे परामर्श गर्न लागिएको प्रवक्ता शालिग्राम शर्मा पौडेलले जानकारी दिए । आयोग पदाधिकारीले बैशाखमा उपनिर्वाचन गर्ने प्रस्तावसहित प्रधानमन्त्रीसँग छलफल गर्ने बताइएको छ ।

आयोगका अनुसार प्रतिनिधि सभा, प्रदेश सभा, जिल्ला समन्वय समिति र स्थानीय तह गरी कुल २५ पद रिक्त छन् । स्थानीय तहको कार्यकाल अझै करिब तीन वर्षभन्दा बढी भएकाले उपनिर्वाचन गरिन लागेको हो ।

प्रतिनिधि सभा सदस्य निर्वाचन ऐन, २०७४ को दफा ६८ मा प्रत्यक्षतर्फ निर्वाचित कुनै सदस्यको पद प्रतिनिधि सभाको अवधि छ महिनाभन्दा बढी कायम रहँदै कुनै कारणले रिक्त भएमा आयोगले तोकेको मितिमा त्यस्तो रिक्त सदस्यको पद उपनिर्वाचनद्वारा पूर्ति गरिने उल्लेख छ ।

आयोगका अनुसार १७ वडाध्यक्ष पद रिक्त छने । नगर उपप्रमुख एक, गाउँपालिकाका अध्यक्ष एक र उपाध्यक्षको दुई पद रिक्त छन् ।

प्रतिनिधि सभा सदस्य र प्रदेश सभा सदस्यको एक÷एक पद रिक्त छन् । कोशी प्रदेशको इलाम–२ प्रतिनिधि सभा निर्वाचन र सुदूरपश्चिमको बझाङ १ (क) मा प्रदेश सभा सदस्य निर्वाचन क्षेत्र रिक्त छन् ।

२३ जना प्रतिनिधिको भने मृत्यु भएका कारण पद रिक्त भएको हो भने दुई जना वडाध्यक्ष जिल्ला समन्वय समितिको प्रमुखमा निर्वाचित भएपछि ती पद रिक्त भएका हुन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० माघ १८, १३: ०९

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

विधानको पालना सबैका लागि समान हुनुपर्छ, समय र स्वार्थ  अनुसार हुनु हदैन ।
विधानको पालना सबैका लागि समान हुनुपर्छ, समय र स्वार्थ अनुसार हुनु हदैन ।
  • २०८० माघ १८, १३: ०९

गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०८० माघ १८, १३: ०९

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...