महामन्त्री शर्माद्धारा पार्टीबाट सरकारमा सहभागी मन्त्रीहरूको समीक्षा गर्न प्रस्ताव – Naya Bikalpa
November 20, 2026, Friday      Epaper

महामन्त्री शर्माद्धारा पार्टीबाट सरकारमा सहभागी मन्त्रीहरूको समीक्षा गर्न प्रस्ताव

काठमाडौं । नेपाली कांग्रेसका महामन्त्री विश्वप्रकाश शर्माले पुष्पकमल दाहाहाल ‘प्रचण्ड’नेतृत्वको सरकारमा पार्टीबाट सहभागी भएका मन्त्रीहरूको कार्यसम्पादनको समीक्षा गर्न प्रस्ताव गरेका छन् ।

महासमिति बैठकमा प्रस्तुत गर्नुपूर्व परिमार्जनका लागि केन्द्रीय कार्यसमितिमा प्रस्तुत गरेको राजनीतिक प्रतिवेदनमा ‘एकल बहुमत नभएको स्थिति र शक्ति बाँडफाँटको पाँच वर्षे सहमति अनुरूप गठबन्धनभित्रको दोस्रो दलको नेतृत्वमा कांग्रेस सरकारमा सहभागी दल भएको उल्लेख गरिएको छ ।

महामन्त्री शर्माको प्रतिवेदनमा नेपाली कांग्रेसबाट सरकारमा सामेल भएर मन्त्रीहरुले सम्हालेको मन्त्रालयको काम र प्रगति तथा देखिएका समस्याहरुका बारेमा समेत समिक्षा गर्नुपर्ने शर्माले बताएका छन् ।

उनका अनुसार प्रतिवेदनमा उल्लेख भएअनुसार पाटीलाई बलियो बनाउने र कांग्रेसबाट सरकारमा सहभागि मन्त्रीहरुको कार्यक्षमतालाई मजबुद्ध बनाउने विषयमा केन्द्रीत गरिएको छ ।

वर्तमान सरकारमार्फत कम्तीमा संविधान रक्षाको साझा कार्यभार सम्पादन भएको र सरकार सुशासनको दिशमा अघि बढ्ने प्रयासमा केही हद सफल भएको तर भ्रष्ट्रचार निर्मूल पार्ने विषयमा अझै खरो बहसका रुपमा अघि बढ्नुपर्ने उनले बताएका छन् ।

जनतामा दिनप्रतिदिन बढिरहेका गुनासा समाधानका लागि सरकारले भ्रष्ट्रचार नियन्त्रणमा शुन्य सहनसिलताको माध्यमबाट अघि बढ्नुपर्ने उनले बताएका छन् ।

जटिल मोडमा पुग्दै गरेको अर्थतन्त्र क्रमशः सम्हालिंदै सुधारोन्मुख दिशामा छ ।

यद्यपि नागरिकको भावना अपेक्षित गतिमा सम्बोधन गर्न र गठबन्धनमै आबद्ध पार्टीका साथीहरूमा भरपर्दो विश्वास जगाउन सरकारले नसकेको प्रतिवेदनमा उल्लेख छ ।

वर्तमान सरकारको सफलता असफलतासँग कांग्रेसको पनि अस्तित्व रहेकाले सरकारले गर्ने राम्रा कामको जस लिन नसक्ने तर अपजसहरूको भारी बोक्नुपर्ने रु भन्ने प्रश्न र असन्तुष्टि कांग्रेसको पार्टी पंक्तिमा रहेको उल्लेख छ ।

कांग्रेसका केही मन्त्रीहरुले गरेका कामको जिम्मेवारी सकरात्मक र केही मन्त्रीको काम नकरात्मक देखिएकाले स्थानीय तह, प्रदेश र केन्द्रमा भएका कमीकम्जोरीको समिक्षा महासमिति बैठकमा हुने महामन्त्री शर्माले उल्लेख गरेका छन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० फाल्गुन ४, १६: ४८

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

विधानको पालना सबैका लागि समान हुनुपर्छ, समय र स्वार्थ  अनुसार हुनु हदैन ।
विधानको पालना सबैका लागि समान हुनुपर्छ, समय र स्वार्थ अनुसार हुनु हदैन ।
  • २०८० फाल्गुन ४, १६: ४८

गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०८० फाल्गुन ४, १६: ४८

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...