पूर्वी युक्रेनमा दुईवटा मिसाइल आक्रमणमा ६० रुसी सेनाको मृत्यु – Naya Bikalpa
November 20, 2026, Friday      Epaper

पूर्वी युक्रेनमा दुईवटा मिसाइल आक्रमणमा ६० रुसी सेनाको मृत्यु

बीबीसी । पूर्वी युक्रेनको एक तालिम क्षेत्रमा दुईवटा मिसाइल प्रहारहुँदा कम्तीमा ६० रुसी सेनाको मृत्यु भएको छ ।

डोनेट्स्क क्षेत्रमा एक वरिष्ठ कमाण्डरको आगमनको स्वागतका लागि रुसी सेनाहरू भेला भएका बेला क्षेप्यास्त्र प्रहार भएको जनाएको छ ।

एक रुसी अधिकारीले आक्रमण भएको पुष्टि गरे पनि समाचारमा आएजस्तो डरलाग्दो प्रहार नभएको प्रतिक्रिया दिएका छन् ।

रुसी राष्ट्रपति भ्लादिमिर पुटिनले रक्षामन्त्री सर्गेई शोइगुलाई भेट्नुभन्दा केही घण्टाअघि आक्रमण भएको बताइएको छ ।

तर दुई नेताबीच पछिल्लो मिसाइल आक्रमणका विषयमा छलफल नभएको जनाएको छ ।

दुई शीर्ष नेताको बैठकमा, रक्षामन्त्री शोइगुले फ्रन्ट लाइनका धेरै क्षेत्रमा रूसी सफलताका बारेमा वर्णन गरेका थिए ।

डोनेट्स्क क्षेत्रमा भएको घटनाको विषयमा भने रक्षामन्त्रीले कुनै उल्लेख नगरेको समाचारमा उल्लेख छ ।

रुसले कब्जा गरेको गाँउ नजिकैको प्रशिक्षण केन्द्रमा मेजर जनरल ओलेग मोइसेयेभको आगमनको लागि पर्खिरहेका थिए त्यतिनै बेला क्षेप्यास्त्र प्रहार भएको थियो ।

घटनामा बाँचेका एक सिपाहीले घटनाको भिडियो रेकर्डिङका क्रममा ब्रिगेडका कमाण्डरहरूले उनीहरूलाई खुला मैदानमा उभ्याएको बताए ।

उनीहरूलाई अमेरिकी निर्मित HIMARS प्रक्षेपण प्रणालीबाट प्रहार गरिएको दुईवटा मिसाइलले प्रहार गरेको बताइएको छ ।

सार्वजनिक भिडियो फुटेजमा मृतकको संख्या अधिक देखिए पनि ६० जनाको मृत्यु भएको भन्दै रुसले घटनालाई लुकाउन खोजेको छ ।

आक्रमणबारे युक्रेनले पनि मुख खोलेको छैन ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० फाल्गुन १०, १०: ४३

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०८० फाल्गुन १०, १०: ४३

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

आजको मौसम : तराई र उपत्यकामा हुस्सु तथा कुहिरो लाग्ने
आजको मौसम : तराई र उपत्यकामा हुस्सु तथा कुहिरो लाग्ने
  • २०८० फाल्गुन १०, १०: ४३

काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...