
काठमाडौं । नेकपा एमालेसहित बनेको नयाँ सत्ता गठबन्धनमा रेशमलाल चौधरीको पार्टी नागरिक उन्मुक्ति पनि सहभागी हुने भएको छ ।
प्रतिनिधिसभा ४ सिट भएको नागरिक उन्मुक्तिले पनि सरकारमा जाने बताएको छ । अध्यक्ष चौधरीले सरकारमा जाने र सुदूरपश्चिमको मुख्यमन्त्रीमा पनि दाबी रहने बताएका छन् ।
बालुवाटारमा नयाँ गठबन्धनको बैठकका बीच बाहिर निस्किएका चौधरीले विगतमा धोका खाएकाले पहिले सहमति गरेरै मात्र सामेल हुने प्रष्ट्याए ।
उनले पत्रकारसँग भने, ‘हामी नयाँ बनेको गठबन्धनसँग सकारात्मक छौं, हामीले विगतमा धोका खाएकाले सहमतिको निर्णय गरेरै सामेल हुने भनेका छौं, आजै प्रदेश र प्रतिनिधिसभा सदस्यहरूको बैठक बोलाएका छौं, त्यसबाट निर्णय गर्नेछौं, आजको मन्त्रिपरिषद् बैठकमा सहभागी हुँदैनौं ।’
सुदूरपश्चिम प्रदेशमा उन्मुक्तिका ७ सांसद छन् । गठबन्धन फेरिएपछि प्रधानमन्त्री पुष्पकमल दाहाल प्रचण्डले प्रदेश सरकार पनि नयाँ समीकरण अनुसार बन्ने बताएका छन् । सुदूरपश्चिममा कांग्रेसका कमलबहादुर शाह मुख्यमन्त्री छन् ।
नयाँ सत्ता गठबन्धको आज बसेको बैठकले पहिलो चरणमा नेकपा एमालेबाट पदम गिरी, नेकपा माओवादीबाट वर्षमान पुन, रास्वपाबाट रवि लामिछाने र जसपाबाट उपेन्द्र यादवले मन्त्रीको शपथ लिनेछन् ।
रवि गृह मन्त्रालय लिएर सरकारमा जाँदा उपेन्द्रले भौतिक, पदमले स्वास्थ्य र वर्षमानले अर्थमन्त्रालय लिने तय भएको स्रोतको दाबी छ ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...