कोरोना संक्रमित ३ हजार ४ सय ४८ पुगे, संक्रमण ७१ जिल्लामा

नयाँ विकल्प
प्रकाशित मिती: २०७७ जेष्ठ २५, १८: ३२

काठमाडौं । नेपालमा कोरोना संक्रमण देशका ७१ जिल्लामा फैलिएको छ । आइतबार कोरोनाका दुई २ सय १३ जना संक्रमित थपिएसँगै कुल संक्रमितको सख्या तीन हजार चार सय ४८ जना पुगेको छ । आइतबार थपिएका दुइ सय १३ संक्रमितमध्ये दुई सय नौ जना र महिला चार जना रहेका छन् ।
स्वास्थ्य तथा जनसख्या मन्त्रालयका अनुसार झापाको अर्जुनधारामा २ जना, सुनसरीमा २ जना, मोरङको रतुवामाईमा २ जना, विराटनगरमा १ जना, धादिङमा १ जना, रौतहटमा १ जना, धनुषामा १ जना, सिरहाको भगवानपुरमा २ जना, सिन्धुपाल्चोकमा १ जना र उदयपुरको रामपुरमा ३ जना संक्रमित थपिएका छन् ।
मन्त्रालयका प्रवक्ता डा. विकास देवकोटाकाअनुसार प्रदेश १ का १२ जिल्लाका दुई सय ५९ जनामा, प्रदेश २ का आठ जिल्लाका एक हजार एक सय ६१ जनामा, बागमती प्रदेशका १२ जिल्लाका ९२ जनामा, गण्डकी प्रदेशका नौं जिल्लाका एक सय ११ जनामा प्रदेश ५ का १५ जिल्लाका एक हजार ८१ जनामा, कर्णाली प्रदेशका ९ जिल्लाका छ सय ३३ जनामा र सूदुरपश्चिम प्रदेशका ९ जिल्लाका एक सय ११ जनामा कोरोना संक्रमण पुष्टी भएको हो ।
मन्त्रालयका अनुसार प्रदेश १ मा चार हजार तीन सय ८८ जना, प्रदेश दुईमा २२ हजार दुई सय ३२ जना, बागमती प्रदेशमा तीन हजार एक सय ९५ जना, गण्डकी प्रदेशमा पाँच हजार तीन सय ६३ जना, प्रदेश ५ मा ३९ हजार आठ सय ९७ जना, कर्णाली प्रदेशमा ३२ हजार ८२ जना, सूदुरपश्चिम प्रदेशमा ६३ हजार पाँच सय ७५ जना क्वारेन्टाइनमा बसेका छन् ।
त्यस्तै आइसोलेसनमा प्रदेश १ मा एक सय ३८ जना, प्रदेश २ मा नौ सय ६८ जना, बागमती प्रदेशमा ५७ जना, गण्डकी प्रदेशमा एक सय आठ जना, ५ नम्वर प्रदेशमा नौ सय ४४ जना, कर्णाली प्रदेशमा छ सय २१ जना र सूदुरपश्चिम प्रदेशमा ९६ जना बसेका छन् । हालसम्म तीन सय ९९ जना पुरुष र ६८ जना महिला डिष्चार्ज भएका छन् ।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त

२०७७ जेष्ठ २५, १८: ३२

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

क्षति पुगेको खुलामञ्चको स्वरूप फर्काउँदै कांग्रेस

२०७७ जेष्ठ २५, १८: ३२

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...