कोरोनाबाट थप दुईको मृत्यु, कोराना संक्रमणबाट मृत्यु हुनेको सख्या १८ पुग्यो

नयाँ विकल्प
प्रकाशित मिती: २०७७ जेष्ठ ३१, १७: ४५

काठमाडौं । नेपालमा कोरोना भाइरसको संक्रमणबाट मृत्यु हुनेको सख्या १८ पुगेको छ । स्वास्थ्य तथा जनसख्या मन्त्रालयका प्रवक्ता प्रा.डा.जागेश्वर गौतमले भर्खरै पत्रकार सम्मेलन गरी थप दुई जनाको मृत्यु कोरोना भाइरसको संक्रमणकै कारण भएको पुष्टी गरेका हुन् ।
प्रवक्ता गौतमकाअनुसार पर्षा बीरगंज महानगरपालिकास्थित घण्टाघरमा बेबारिसे मृत अवस्थामा जेठ २८ गते फेला परेका अन्दाजी २५ वर्षे पुरुषको निधन कोरानो संक्रमणको कारण भएको वताए । मृतकको नारायणी उपक्षेत्रिय अस्पताल वीरगंजमा स्वाव परिक्षण गर्दा कोरोना पुष्टी भएको बताए । त्यस्तै, जेठ ३० गते वीरगंज हेल्थ केयरमा उपचाररत बाराको निजगढ नगरपालिका वडां ६ का ५ वर्षे वालकको निधन कोरोनाका कारण भएको छ ।
शुक्रबार निधन भएका वालकको उपचारकै क्रममा स्वाव परिक्षणको लागि नमुना लिएको तर रिपोर्ट आउनुअघि नै बालकको निधन भएको मन्त्रालयले जनाएको छ ।
मन्त्रालयका अनुसार नेपालमा शुक्रबार थप दुइ सय ७३ जनामा कोरोनाको संक्रमण पुष्टी भएको छ । दुई सय ४७ पुरुष र २६ महिला संक्रमित भएका हुन् । नेपालमा योसँगै कोरोनाबाट संक्रमित हुनेको सख्या पाँच हजार तीन सय ३५ पुगेको छ । शनिबारसम्म क्वारेन्टाइनमा बस्ने सम्भावित संक्रमितको संख्या एक लाख ५० हजार पाँच सय ४९ जना छन भने आइसोलेसनमा चार हजार चार सय चार जना रहेका छन् ।
शनिबार रौतहटमा ९२, सुर्खेतमा ४०,दैलेखमा ३०, कपिलबस्तुमा २५, वाँकेमा १८, रोल्पामा १७, सर्लाहीमा १८, वर्दियामा ६, पर्षामा ६, झापामा ५, मोरङमा ४, गुल्मीमा २, दाङमा २, महोत्तरीमा १, वारामा १, पर्वतमा ४, नवलपरासी पश्चिममा १ जना संक्रमित थपिएका छन् ।
मन्त्रालयका अनुसार २४ घण्टामा सरकारले सबैभन्दा धेरै पाँच हजार ६ सय ६१ ज्नाको पिसिआर प्रविधिबाट स्वाव परिक्षण गरिएको छ । मन्त्रालयले दैनिक १० हजारको दरले पिसिआर प्रविधिबाट परिक्षण गर्न खोजेको छ ।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त

२०७७ जेष्ठ ३१, १७: ४५

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

क्षति पुगेको खुलामञ्चको स्वरूप फर्काउँदै कांग्रेस

२०७७ जेष्ठ ३१, १७: ४५

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...