नेकपा विवाद : केन्द्रिय कमिटीबाटै ओली हटाउने प्रचण्ड–नेपालको रणनिती

नयाँ विकल्प
काठमाडौं–शक्ति बाँडफाडको विषयलाई लिएर आन्तरिक किचलाेमा फसेको सत्तारुढ नेकपाभित्रको विवाद फेरी बल्झिने संकेत गरेको छ ।

प्रधानमन्त्रीकाे राजिनामालाइ लिएर प्रधानमन्त्री केपी शर्मा अाेली तथा शिर्ष नेतृत्व प्रचण्ड र माधव नेपाल विच पटक पटक अनौपचारीक छलफल भएको थियो ।

पटक पटक भएकाे छलफमा प्रधानमन्त्री ओलीले अध्यक्ष तथा प्रधानमन्त्री दुवै पद नछाडने अडान राखेपछि प्रचण्ड माधव समूहले केन्द्रीय कमिटी बैठकबाटै प्रधानमन्त्रीको राजीनामा माग्ने रणनीतिमा बनाएका हुन ।

शुक्रबार विहान ११ बजे नेकपाकाे स्थाइ कमिटी बस्दै छ ।

बिहीबार बिहान प्रचण्ड निवास खुमलटारमा प्रचण्ड–नेपाल समुह भेलाले केन्द्रीय कमिटी बैठक बोलाउन दवाब दिने निर्णय समेत गरेको छ ।

प्रचण्ड–नेपाल बाहेक झलनाथ खनाल, वामदेव गौतम, नारायणकाजी श्रेष्ठ र गृहमन्त्री रामबहादुर समेत उक्त भेलामा उपस्थीत थिए ।

प्रधानमन्त्री ओलीले आगामी महाधिवेशन अगाडि अध्यक्ष तथा चुनाव अघि प्रधानमन्त्री पद कुनै पनि हालतमा नछाडने अडान कायम राख्दै अाएका छन ।

साथै प्रधानमन्त्री ओलीले आफुलाई संसदबाटै हटाउन प्रचण्ड र नेपाल समुहलाई चुनौति समेत दिएका छन ।

शुक्रबार बिहान ११ बजे नेकपा स्थाइ कमिटीको बैठक बस्ने कार्यतालिका तय भएको छ ।
सो बैठकबाट स्थाई कमिटीको बैठक टुङग्याउने र केन्द्रीय कमिटी बैठक बोलाउने रणनितीमा प्रचण्ड ओली समुह लागका छन ।

नेकपामा अन्तिम निर्णयको अधिकार केन्द्रीय कमिटीलाई मात्र छ । स्थाई कमिटीको बैठकले गरेको निर्णय समेत केन्द्रिय कमिटीले अनुमोदन गरेपछिमात्र कार्यान्वयन हुन्छ ।

प्रधानमन्त्री ओली खेमाको बालुवाटारमा भएको छलफलमा कतिपय नेताले अहिले नै केन्द्रीय कमिटी बैठक बोलाउन नहुने तर्क गरेका छन ।

प्रचण्ड नेपालको यस्तो रणनितीपछि प्रधानमन्त्रीलाई उनि निकटका नेताहरुले केन्द्रीय कमिटी बैठक नै नबोलाउ सल्लाह दिएका छन ।

प्रधानमन्त्री ओली निकट बालुवाटारको छलफलमा उपप्रधानमन्त्री ईश्वर पोखरेल, महासचिव विष्णु पौडेल र स्थायी समिति सदस्य सुवास नेम्वाङ लगायत सहभागी थिए।

उनिहरुले सहमति नहुन्जेल कुनै पनि कमिटी बैठक राख्न नहुने सुझाव प्रधानमन्त्रीलाई दिएको बालुवाटार स्रोतले जनाएको छ ।