नयाँ विकल्प अब डिजिटल संस्करणमा पनि – Naya Bikalpa
November 20, 2026, Friday      Epaper

नयाँ विकल्प अब डिजिटल संस्करणमा पनि

काठमाडौं । नेपाली पत्रकारिताको क्षेत्रमा विगत तीन दशकदेखि अनवरत रुपमा प्रकाशित नेपालको राष्ट्रिय साप्ताहिक नयाँ विकल्प अब डिजिटल संस्करण सहित आम पाठक, दर्शक, श्रोताबिच आएको छ ।

नयाँ विकल्प राष्ट्रिय साप्ताहिक पहिलो संस्करणदेखि नै पाठकको पहिलो रोजाईमा पर्न सफल रह्याे । यसबीचमा भएका राजनीतिक परिवर्तन, उतार चढावका बाबजुद हाम्रो निष्पक्ष पत्रकारिता नै हाम्रो रोजाईको पहिलो कारण हो भन्नेमा हामीलाई कुनै शंका छैन ।

पत्रकारिताको पहिलो सर्त भनेकै निष्पक्षता र स्वतन्त्रता नै हो । यसमा हामी किमार्थ चुकेनौ र चुक्ने छैनौं । यो नै हाम्रो बटमलाईन हो ।

यही मान्यताका साथ हामी नयाँ विकल्प डटकम सहित फेरि डिजिटल संस्करण सहित आमपाठक, श्रोता र दर्शकसमक्ष लिएर आएका हौं ।

नेपाली पत्रकारितामा अनलाईन मिडियाको जुन योगदान छ, आमपाठक समक्ष प्रभावकारी रुपमा सूचना प्रवाह भइरहेको छ यो आफैमा अत्यन्तै महत्वपूर्ण छ ।

तर अनगिन्ती रुपमा खुलेका अनलाईन र तिनले प्रस्तुत गरेका समाचार सामग्री कति सत्य कति असत्य भन्ने प्रश्न यतिबेला तड्कारो रुपमा उठेकै छ ।

समाचारमा प्रस्तुत सामग्री समयमै आमपाठक समक्ष पुग्नुपर्छ । तर समाचार छिटो पुर्याउने प्रतिस्पर्धामा हामी कति सत्य र कति भ्रम पुर्याएका छौं, यो विषय पनि अब वहसमा आउनै पर्छ ।

सत्य तथा स्वतन्त्र पुष्टि हुने समाचार सामग्री समयमै पाठक समक्ष पुर्याउने हाम्रो पहिलो लक्ष्य हो । तर सूचना छिटो दिने प्रतिस्पर्धामा अपुष्ट, असत्य र प्रायोजित समाचारले नयाँ विकल्पमा कुनै स्थान पाउने छैन ।

पाठक समक्ष हाम्रो यो बाचा हो, यसलाई हामीले अग्नि परीक्षाका रुपमा लिने छौं ।

नेपाली पत्रकारीतामा नयाँ विकल्प डटकम को अलग्गै पहिचान बनाउने निरन्तर प्रयत्न रहने छ । पत्रकारिताका सिद्धान्तमा हामी कुनै हालतमा सम्झौता गरेनौं र आगामी दिनमा पनि गर्ने छैनौं ।

स्वतन्त्र पत्रकारिता लोकतन्त्रको आधार स्तम्भ हो भन्नेमा हामी अवगत छौं ।

२०४६ मा निरंकुश पञ्चायती व्यवस्थाको अन्त्यसंगै भर्खरै वामे सर्न लागेको प्रजातन्त्रको रक्षार्थ नयाँ विकल्प राष्ट्रिय साप्ताहिकबाट हाम्रो भूमिकाले यसको पुष्टी गरेको छ ।

पाठकबाट पाएको माया सद्भाव तथा स्नेह नै यसको उदाहरण पनि हो । सूचना प्रविधिको तिव्र बिकास, आमपाठकले पत्रकारिता जगत्बाट खोजेको अपेक्षालाई नयाँ विकल्प डटकमले पुरा गर्ने छ भन्ने हामीमा विश्वास छ ।

सञ्चार जगत्मा आईपर्ने सामान्य समस्याको पहिलो सिकार श्रमजिवी पत्रकार भइरहेको प्रति हामी अत्यन्तै चिन्तित छौं । श्रमजिवी पत्रकारको पेशागत रक्षाको लागि नयाँ विकल्प एक साँच्चिकै विकल्प बन्नुपर्छ भन्ने आवस्यकता महशुस गरेका छौं ।

आगामी दिनमा हामी योजनाबद्ध रुपमा अगाडि बढने तयारी मै छाैं।

अन्त्यमा नेपाली सञ्चार जगत्मा हाम्रो आगामी यात्रा अझै प्रतिस्पर्धी र गुणात्मक सुधार सहितको हुने छ ।

विगतमा तपाई पाठकहरुको जसरी माया र सद्भाव प्राप्त ग¥यौ आगामी दिनमा थप रचनात्मक सुझाव सहितको सहयोगको अपेक्षा गरेका छौं ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ श्रावण ६, १२: २१

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

विधानको पालना सबैका लागि समान हुनुपर्छ, समय र स्वार्थ  अनुसार हुनु हदैन ।
विधानको पालना सबैका लागि समान हुनुपर्छ, समय र स्वार्थ अनुसार हुनु हदैन ।
  • २०७७ श्रावण ६, १२: २१

गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ श्रावण ६, १२: २१

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...